قيمة الارتياح !

مشاركه بسيطه .. عسى ان ترتقي الى ذوائقكم .,



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياوقت مالك على شخصي نفوذ وصلاح = ولا للأيام فضل .. ولا وجود ومصير
على كثر ما اشهرت سودك علي السلاح = ما اعلنت لامرك ولاء الطاعه .. ولاكنت غير
شخص ٍ مع الصدق يدرك قيمة الارتياح = في كل ما يشغل الروح ويهمّ الضمير
العام خوّفتني من عاتيات الرياح = واليوم لقّيتها راسي .. وعدّت بخير
وقفت وقفة كبير ٍ مالي امر ٍ متاح = الا ان قدري كبير .. وظلم وقتي كبير
آخذ يدين اول الليل .. ليدين الصباح = مابين صبر ٍ جميل .. وبين حال ٍ كسير
لا بيّن الضعف في حالي .. ولا الدمع طاح =ولا كشف جرحي الاول .. ستار الاخير
الاّ على البارق اللي طال عيني ولاح = في عارض البعد بأحداث الالم والسرير
ايقظ على حين غره موجعي واستباح = قداسة الضلع الاقصى .. واستحلّ القصير
انا اشهد انه تمثّل في عروقي وناح = بالصالح من الدعاء ..والمنهك من الزفير
لاياحبيبي فداك اللي من العمر راح = واللي بقى واتقى مابين برد وهجير
من الطمأنينه اغزل للمشاعر وشاح = واستدرج الروع عن حالك لسلك الحرير
ماغير انا والعتب واقسى التعب في كفاح = في دايرة غيبتك مع بعضنا نستدير
لاتترك الهم يقتلني ويطلق سراح = ماكان من عزم في صدري للامر العسير
ترى المقادير حبلى .. والليالي لقاح = والله واعلم عن اللي يستجد ويصير
واغلى شعور يتذوّقه الفقير النجاح = واغلى نجاح ان تعاطى النور عين الضرير[/poem]