قصة طويلة

[align=center]أهدي لموقع المرقاب وزواره هذه القصيدة ، من قديم شعري ، وهي ذات مناسبة خاصة !!!![/align]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
إن كان عندك علوم اجداد لي قلها = الزين و الغير عندي كلها عادي

هذى حياتي و عارفها من أولهـــــا = عرفت طعم العنا من يوم ميلادي

عوجة زماني ليا حاولت أعدلهــــا = يجي بدلها ليا التعديل ما فــــادي

وإن جيت أبدل حياتي كيف أبدلها = قد راحت أولوفها عشرات و آحادي

فكرت بالعقل أطلعها و أنزلهــــــــا = ولين ما فيه غير الصبر ميعـــادي

لي سيرة لو أسجلها و أفصلهـــــــا = تملا دواوين من طعم العنـا زادي

ماهي على مسرح التمثيل أمثلهـــا = و لا هي بلعبة جرت في ملعب النادي

دنيا دنية نطاردها و نشتلهــــــــــــا = و اللي غدت به ترى ما عنه نشادي

و أحيان نمشي شويه و نتحايلهـــــا = و هيه تربص بنا في كل مرصادي

و كم واحد(ن) مع طرفها و يتغفلهــــا = فرصة و لن روحت مافيه معوادي

يجي على غفلة الدنيا و يختلهـــــا = إيقال صيدة و هو رامي وصيادي

وكم من غشيم(ن) تحطه في حبايلها = و يصير فالحبل مربوط(ن) و منقـادي

أحد(ن) ورى لقمته يسعى و ياكلهــــا = وأحد(ن) على نار من قو اللهب جادي

وأحد(ن) تصل لقمته قدام ياصلهــــــا = تجيه قدام لا يقطع لها الـــــوادي

و أحد(ن) تعب خلفها عيا يحصلهـــــا = و ليا قربها لياها مبعدة غـــــادي

وأنا تغربلت فيها من غلايلهـــــــا = لكن مخفي الهموم اجموع وأفرادي

هذي همومي وبصبر و أتحملهــــا = من كثرها مالها محصي وعدادي

قصة طويلة و لا تحتاج أطولهـــا = دونت تاريخها هجري و ميــلادي[/poem][/poem]

[align=center]شعر : فلاح بن مرشد بن خلف الزراقي العتيبي[/align]