اللوووووم

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحة يوم أقربت حزت النوم =عيني لذيذ النوم عيّت ترومه
عيت تنام وكن في جفني هزوم=العين عن لذ الرقاد محرومه
كن الدقيقة شهر والثانية يووم=وليل يا طوله وما أكثر نجومه
يا لا يمي بالله لا تكثر اللوم=ألي سواتي يا ولد لا تلومه
لا ني بلا معطى ولا ني بمحروم=ما طاح في كفي نهج في لزومه
نعطي ليا منا أومرنا بلا زوم=يوم ان كفين البخيل معصومه
نعطي وما يجري على العبد مقسوم=يوم البخيل العفن ينفض كمومه
الطيب نبدابه وبه نفرق السوم=ولاحدٍ بميت يا ولد قبل يومه
ما أحدٍ مدح فــ الطلع يا شجرة الدوم=و من حر ما سويت فـ ألكبد لومه
الحر لا منه جزع يبعد الحوم=ولا يقابل المرحان يكود بومه
امشي ولي منهج ولي درب وسلوم=والطيب ما كلٍ يطب ويسومه
ياناصحي بالله لا تكثر اللوم=ماهو بـ أناء الي يا عميلي تلومه[/poem]