!!.. شربت حرمان الليالي كوب كوب ..!!

من باب التواصل

والعذر على التقصير

.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
نوب آخَشِع واتدمّع عيوني .. ونوب=مايطري اف بالي قدر ربي وقضاه
أتوب وأغرق في بحر لــ خْطا وأتوب=وأتعوّذ مْن ابليس وأمشي في هواه
الله يطهّرلي خفوقي من الذنوب=وعسى مع الناجين يكتب لي نجاه
شربت حرمان الليالي كوب كوب=أعطي الزمن وجهي ويعطيني قفاه
جملة ظروف تحدني من كل صوب=على ان لي عزّه ولي لابه وجاه
أصبر وأصك دروب وآفتّح دروب=والحظ ما والله يذريني ذراه
ياخف حِمْل المتن عن حمل القلوب=وياضعف عقل اللي يساويها وغباه
حِمْل المتن .. شمسٍ لها شروق وغروب=وحِمل القلوب أثبت من جبال السراه
ياويل من يقرب من البعد امْغَصوب=غريب بين أهله وناسه وأصدقاه
مشاعره والشوق غالب ومْغلوب=وحرب الفراق المر دايرةٍ رحاه
ماله عن مْسامر سنا القمرا هروب=سرَت لياله بين آه وبين آه
من ليلة البارح وعينه للجنوب=مايفرغ ويستقبل الاّ للصلاه
على ان شمال وشرق مافيهن عيوب=قلوب تنبض حب وطْموح و حياه
صدره دول وجموع أحاسيسه شعوب=تبكي على من غاب لو غاب برضاه
أقفى .. وغصن الشوق تطرقْه الهبوب=من وين ما مال الهوى ميّل معاه
راح وبَعَدْه العمر ماهو بمْحَسوب=يالله عساه يحنّ ويعوّد عساه
يستغفر مْن ذنوب جفواه ويتوب=ويامن خفوقٍ منّه الخوف اعتراه
يبني بْ يِدَه بيت المحبّه طوب طوب=أساسه اخلاصه وجدرانه وفاه
مايبري جروح المحبّين الهروب=ولا الهجر طوقٍ من أطواق النجاه[/poem].

سوالم