(( .. تلفاز وريموت ومكيّف .. ))

السلام عليكم ورحمة الله وبركاته

اعزائي .. تحية عطره على قلوبكم ..

قصيده متواضعه تحكي واقع ماساوي

::::::::::::::::::::::::

[poem=font="Arial,4,black,bold,normal" bkcolor="transparent" bkimage="" border="double,4,gray" type=2 line=1 align=center use=ex num="0,black"]
الناس راحت للمصايف وحنـّا = ما بين تلفاز وريموت ومكيّف

والهم لو ينقاس خمسين طنـّا = وفوق الهموم الجو حار ويعيّف

واغلى اصدقانا راحوا اليوم عنـّا = والقلب مشكلته عليهم صخيّف

ليت الذي نشتاق له في وطنـّا = والله .. ما نسأل عن الليّ يصيّف

وليت الزمن يمشي على ما تمنـّى = ان كان شقـّقت الخريطه وأزيّف

وخليجنا يصبح بغربي فيينـّا = والضيف يصبح في مقام المضيّف

وتصبح زلمسي ملكنا ونتهنـّى = وحتـّّى الابل تشبع وفيها تكيّف

ونعتز بالاسلام ما نستكنـّا = ونقود كل الغرب قود الخريّف

ونصنع لنا تاريخ مجد ٍ يبنـّا = ونحرّر الاقصى بفعل ٍ يسيّف

هذي طراة العمر لاكن غبنـّا = الحال متدهور .. وحيل ٍ ضعيّف

الله يعدّل ما بقى من زمنـّا = ويزين حظّ ٍ طال وقته وصيّف

وان عوّدت للحق لو نتغنـّى = ونظهر مشاعرنا بقاف ٍ لطيّف

ترى القناعه كنز فالقلب منـّا = ولازم نساير وقتنا ونتكيّف

ونصبر على جو الخليج ووطنـّا = نصبر على جوّه لو أنـّه يعيّف[/poem]

::::::::::::::::::::::

وسلامتكم

اخوكم / حسن بن علي الهاجري