كـفوف الضـيق ..

السلام عليكم جميعا ً
\
\

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سرى ليلي وانا اهجرس ّ .. من الاحزان .. مغبوني = وستر الليل شقّه .. سيف شمس ٍ عند مطلعها
حزين .. ودمعتي تأبى تذل ّ .. الكبر في عيوني = عيون ٍ لا غفت لحظه كفوف الضيق ّ .. تصفعها
ثلاث أيام .. وطيور السهر .. وأغصونها جفوني .. = ثلاث أيام .. وأنثر ّ من هموم الوقت .. واجمعها
أقلّب .. في يدي ّ مسباح ّ والاخرى .. تيليفوني = مابين آمال وظنون الهجير .. أهيم .. وأردعها
سرجت ّ الشعر ّ .. والهامي خوي ٍ جوّد أمتوني= على طرد ّ الشرايد .. ما يخيب الفكر .. يبدعها
انا شاعرك .. يا رمح ّ الحزن ّ .. لا كِثرت اطعوني =من اولها .. لثانيها .. لثالثها .. لرابعها
هنوف ٍ قد ّ سِبت ّ .. حلو ّ الرقاد .. بظلم فرعوني = اصب ّ إلها عذابي والجروح الخضر ّ .. تقدعها
عليها .. أجدبت ّ بيد السنين .. وشحت ّ .. أمزوني = مراسيل الرجاء .. هانت عليها ما ترجعها
وأنا .. لامن تسهّويت .. وطرت ّ عضيت بسنوني .. = أصابيع الندم ّ .. والحسره اللي .. من موادعها
غلاها .. من قبل ّ لا اشوفها .. فالقلب ّ .. مدفوني = دخيل عيونها .. من يوم قفت ّ في تهزّعها
تمايل قدم عيني .. ميلة الهودج .. على هوني = تبعها .. موكب أيام الهوى .. والشوق .. يتبعها
تلفت ّ لي وانا مزحوم ّ فيها والعرب دوني .. = تبي تبعد ّ .. وانا واقف أودعها .. وانا .. معها!
نسيت الناس .. أنادي ثم ّ أنادي .. منخطف ّ لوني = تقول أسكت ّ .. واناديها ..من اقصايا .. ولا اسمعها
وانا لو ّ أتوّجد .. قد تقهوى عقلي .. اجنوني = على عمر ٍ رخصته لجلها .. في روس اصابعها
سرى ليل القصيد وسيّل الهاجوس .. مكنوني = وستر الليل شقه سيف شمس ٍ عند مطلعها
سنين الفقد ّ .. ماتقصر ّ على من كان .. مسجوني .. = وسنين الوصل لا مرت ّ على المشتاق .. ماسرعها !

[/poem]


\
\
\