المهم انك مع الطيب وهذا كافي

السلام عليكم ورحمة الله وبركاته
ابيات للتواصل مع المواهب واعذرونا على القصور

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دايم الاطباع مـا بيـن البشـر مختلفـة=ميـر يبقـن النوايـا والقلـوب نظافـي
غير طبع اهل القلوب الحاقـدة والجلفـة=عند كل الناس طبع ٍيكـره وينعافـي
كن واحدهم يشـوف ان الرديـة ولفـه=للنمايـم والوشايـا عاشق ٍميـلافـي
بالردى والكذب دايم مـا يطفـي سلفـه=وبالعلوم الغانمة والطيـب سلفـه طافـي
مزعج ٍخلق الله بهرجه وكثـرة بلفـه=ومن يشوفه قال يـارب المـلا ياشافـي
كاذب ٍنمام لو يحلـف ويكثـر حلفـه=ضاحك ٍفالوجه سنـه فالقفـا حذافـي
كن وجهه لا بـدا لـه لازم ٍمستلفـه=يضحك ويمزح وجوف القلب سم ٍخافي
ولا خذ المطلوب لقاك الظهـر والقلفـة=ان بغاك اذاك وانتـه لا بغيتـه جافـي
يحسـب ان اقفايتـه واقبالتـه مختلفـة=ميـر وجهـه كنـه مقفـاه بالاوصافـي
مثل هـذا دايـم الهجـران يكتـم بلفـه=خله وجنب عن دروب السفيـه الهافـي
حالف الطيب وخلك مخلص ٍفي حلفـه=والصداقة نوع ٍمن الحلف بالاعرافـي
قلطّه عندك ورح له فـي محلـه والفـه=ومد جسر الوصل مع كل ابلج ٍوسنافي
الشجيع اللي على العايـل حداد ٍشلفـه=والحليم اللي ضميره للنشامـى صافـي
تنتخي به فالمواقف والظروف الصلفـة=وان نخاك افزع وخلك في لزومه وافـي
ولا يهم ان جيت قدمه يـوم والا خلفـه=المهم انـك مـع الطيـب وهـذا كافـي
[/poem]