صناعة اليهود

[align=center]اسعد الله اوقاتكم بكل خير

واسف على انقطاعي عن المنتدى

اتمنى ان تحوز هذه القصيده على اعجابكم[/align]


[poem=font="Simplified Arabic,5,black,normal,normal" bkcolor="transparent" bkimage="backgrounds/27.gif" border="none,4,gray" type=0 line=0 align=center use=ex num="0,black"]
ياراكب اللي مصانعها بدار اليهود=الشرق ماصنعت حتى صطباتها _
مرسدس والله يعديها عيون الحسود=تصفط على خمت السايق مراياتها
لاوقفت فري قود ولامشت فري قود=ماكنها تلمس الرقه كفراتها
قطمن ودوم القفى عن خشمها فيه زود=ماركبت غير قبل ايام لوحاتها
اليا مشت كنها فالدرب نسناس نود=مع جاير الخط ماتونس مطباتها
واليا اعترض جنبها مثل اعتراضت سكود=ليا وجهوله هل الجبهه منصاتها
مركب هل العز واهل الفخفخه والنقود=حرام ماشفتها الا في دعاياتها
الموتر اللي مايركب بالسلف والقصود=مركب رجالن تميزها بكشخاتها
تصميم عود اليهود اللي ماهوب اي عود=اللي فرقها بفنه عن وخياتها
لو كان خلي على كيفه بليا قيود=ان كان برلين فشل اكبر مطاراتها
هي اصلن اخت البوينق اللي تشق الحدود=والهلاكبتر تعد اصغر بنياتها
لكن تعدا مصممها ببعض البنود=ثم احرمتها أوروبا من جناحاتها
ومع اعتراضات حزبين العمل واللكود=المانيا فالمطار الغت سجلاتها
ماتلاحظ الحين لاتلت تاترقى سنود=لن الطيران صار اكبر طموحاتها
اليا سرت والعباد المستريحه رقود=واهل الملذات عاشت مع ملذاتها
ودك على دربها تزرع كتيبة جنود=تفرق مسار المواتر عن مساراتها
البدي تقسيمت ابداعن بليا حدود=في وجهها في قفاها فاعتراضاتها
وتظافرت داخلي البدي كل الجهود=ثم ميزوها بشاشتها وكشناتها
تقول في مختصر واحد من آل السعود=مقصورتن خافته معظم إضأتها
تنصى عضيدي ليا قلت بخلت علي العضود=اللحيه اللي مكرمتن شنباتها
كم شال عني حمولن فوق متني تكود=قد قال لي لعسرتك احمولتك هاتها
مفرح اللي على فعله وطيبه شهود=اهل الجمايل حرام انسا جمالاتها
ماوالله ابلش وراسه سالمن فالوجود=راسن تعلم من الدنيا وصكاتها
اليا ذكرته ذكرت معربين الجدود=تغني فعول النشاما عن بطاقاتها
يوم الضعوف بنهار الكايده ماتجود=تغر بعض الرجال بزين سكباتها
ناسن قليلت وفا والفود مافيه فود=زودن على هالتغطرس قل نفعاتها
لعلها من فدا مفرح وسيع البنود=تفداه ناسن تردا من ردى ذاتها
من لانفع حي ماينفع بوسط اللحود=احيا عتابه تكفيني عن امواتها[/poem]