على وضــح الـنـقـــا

[align=center],
,,,
,
السلام عليكم ورحمة الله وبركاته
,
,,,
,
[/align]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رعـاك الله يـا بـرقٌ لمحتـه والعبـاد نيـام = ولكن ما سقى القشع الهشيـم بوابـل امطـاره
تعدى راعيٌ ذوده على حيـاض العـدود حيـام = ليـال القيـض وايامـه مواريـده ومصـداره
بعد قفى المخيل وبارقـه فـي مقدمـه للشـام = و أنا عيني تخيله , ما قدرت انشد عن أذكـاره
قضى وقت انتظاري ما هناش اخبار والا اعلام = عن البارق ليا حـدّر مسيـل السيـل وديـاره
على اليمه بغيت اتبع مخيله واسـرج الاحـلام = على وسق العسيف ومن يماري يسرج مهـاره
وعرض لي هاجسي كنه يقول إلي الوعد قـدام = تبي تمشي لك بدربٍ وعر ما تأمـن أخطـاره
و الا ياسكة الأمس البعيـد وماضـي الأعـوام = رجعتـي للبـروز اليـوم والأيــام غــداره
علامك تلتفت للريـم ياسيـف الأدب و أسـلام = معرفه في العلوم وكل بحـث تراقـب اطـواره
لقيت العذر حوى فتنـة آدم للضـروف أحكـام = تصيد الحوت في غزر البحر والطعـم سنـاره
و طواريق القصيد تزين في خشفٍ زهاها وشام = و لو درب الغزل ما يجـرف الشايـب بتيـاره
ولا به من قدر يجسر على قلبـه يحـط لجـام = لو انه ما رصـد سمعـه ولا ناظـر بمنظـاره
تجرّت تسلب الخافق بزرق ارماح روس اقـلام = ولقيت الصدر من عقب المحل بادي بمخضـاره
لو اشرح ماقدرت اقنع بشرحي لجنـة الحكّـام = و اخاف الشيخ في حكمه يقول نصادق إقـراره
و أقمت بجوي و ذودي على حياض العدود ولام = على وضح النقا من جاب علمه يأخـذ بشـاره
ومناقيد العرب لو نقدتني مـا افطـرت صيـام = صيام الأمس باقي ما بعد جاء موعـد إفطـاره [/poem]

[align=center],
,,,
,[/align]