ارعدي ياهجوسي

بسم الله

السلام عليكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ارعدي ياهجوسي وامطري ياهجوس=والمشاعر سحابه لاحت بروقها
هاتي الشوق كله وسط ليل عبوس=وانت يالقلب هاك الجمره وذوقها
احتزم للمواقف جاك قلع الضروس=والمعاني عليك اليوم ابا اسوقها
انت ورطتني مابين شهدٍ وموس=احسب انك مثل صره بصندوقها
لين عودت فـ علومك تحوس وتدوس=هاك جمرتك غن لها بطاروقها
اه ياكبر همك في وقوف وجلوس=مرةٍ تحت الارض ومرةٍ فوقها
تاهت الخطوه وضيعتني فالطقوس=الله اكبر على دنياك وحقوقها
ماتعلمت من دنياك ربع الدروس=كم نصحتك عن الهمسه ومنطوقها
وكم تعللت بالاحساس بين النفوس=والعيون امطرت لك بوح من موقها
واخر الوقت اشوفك بين سهمٍ وقوس=وين تشكي جروحك وانته تحوقها
فارسٍ فالمعارك مثل حرب البسوس=وفارس طاحت خيوله على نوقها
الفكر مثل بستانٍ عذي الغروس=والزمن مثل شجره ماتت عروقها
لكن اصبر ولاتشكي ترى الروس روس=والصقور الحرار تهد بسبوقها
انت وافي وصامل ماتهمك شموس=لو دروبك ياقلبي زايدٍ عوقها[/poem]

وسلامتكم


حسن