ياخوخ يا متفوخ

السلام عليكم

الاخوه والأخوات في المرقاب الخلاب

متواضعه جديده تتمنى قبولكم

القصيده:

[frame="9 80"][poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ياللي تعرف الصبر من وين ينجاب=ليتك تجيبه في الضلوع وتفكّه
يصبّر اللي كل ما عد الاصحاب=يزفر بتكّه ويتنهّد بتكّه
ليا بليت بمثل عامل بسكراب=يضرب ويكرب كل ضلع بمفكّه
وعضّت ثنيّه برطمك واضرس الناب=والوقت في وجنتك بيّن محكّه
واللي قدح في الدقن ولّع في الاشناب=واللي تهّرب منه ما منه فكّه
واستنفذت تسوايتك كل الاطباب=ولا فيه يومينٍ توديك مكّه
لا تقعد تقول النتايج بالاسباب=اصبحت مثلي تصفق أكّه على أكّه
ما اقوم وافتح يوم بالعفرته باب=إلا وبه نسمة هبوبٍ تصكه
ياعين حرٍ حك موسه بمخلاب=يا عنق ربداً كل خايع تدكه
ما للدليله بين الاثنين مركاب=حوّل ووجه كل واحد بسكّه
يا ريح يا ريحان يا كل الأطياب=يا خوخ يا متفوخ يا سمن عكّه
عودٍ خطب عمّة عياله بعد شاب=يكشف لها حردوب ظَهره تحكّه
مازلت راعي البيت..مندوب الاغراب=ماله بوسط الحوش لو هو بلكّه
وان كنت موجس من كلامي ومرتاب=وناوي تعامل كل كلمه بشكّه
تعال عند المحكمه لابس نقاب=وطالع بعين الشيخ يعطيك صكّه [/poem][/frame]

وسلامتكم