روس المراقيب

العذر والسموحه على الغياب



اليكم هذي المتواضعه واسمحولها تمر الى ضايقتكم ....


.
.
.






[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
بادينٍ رووس المراقيب وأغنّي=ضايقاً صدري وافرج على عيني
نازحٍ كل البلادين متعنّي=يم رجم لا نصيته يسليني
بارزٍ عن راعي الشك يسألنّي=ومبعدٍ عن واحدٍ مايدانيني
فارح بشمتته لاصار متمنّي=ناصبٍ عمره ويبغى يواسيني
والله ان يبطي ولاشافها منّي=دام اشل اللي تشل البعاريني
ضاريٍ اشلها من صغر سنّي=مايكود الثقل كود المساكيني
يارجم جيتك ولاحدٍ درى عنّي=في ضميري حاجةٍ بيني وبيني
لاني باكي ولاجيت باونّي=العزايم والعزاوي تقديني
مابه أشياً في حياتي يبكنّي=غير خشيت ربي اللي تبكيني
جيت اسولفلك وبه شي يطعنّي=في عضام الراس والا الشراييني
لو اباطيع الليالي ولو انّي=كان يمدي شح الايام تدنيني
غير ودي داله البال بدلنّي=ساعتينٍ كل شهرٍ تكفيني
فاضخٍ قلبه وبالوقت متهنّي=يحسبني مثله انسى ديايني
هاقين به واحسبنه على ضنّي=مادريت انه مع الوقت بيليني
ان بغاني في لزومه ..يعينّي=وفي لوازم حاجتي مايواليني
غير ماهميته .. ولو يقابلنّي=يبشر بظحكه وفلة حجاجيني
ماشغل فكري وانا الوقت مشغلنّي=في نوايا الناس والناس من طيني
وفالبياض اللي تحول الى بنّي=فلسفة عالم يدرس مجانيني
لاهوب شيعي ولاهوب لا سنّي=طلسمه لاهيب في الشرع والديني
ماتفرق عين الانسي من الجنّي=غير من فعل البشر والشياطيني
ياعسى الله من عذابه يزبنّي=ويش لولا رحمته للمسلّميني
ياعسى من صكت الوقت يمّني=لانصاني طالب الشر باليني[/poem]





.