جزلات المعاني لهن ذوق

[اخواني اهل المرقاب
السلام عليكم ورحمة الله وبراكاته
اليكم هذه المشاركة المتواضعه
عسى ان تنال شي من استحسانكم]

[poem=font="Arial,4,,normal,normal" bkcolor="" bkimage="" border="none,1," type=0 line=0 align=center use=ex num="0,"]منصور جزلات المعاني لهن ذوق=لهن مع السامع طراه ولباقه
لاشك مايشعر بهن كل مخلوق=ماكل مخلوقن لو اوحاه ذاقه
جزل المعاني قدرهن عالين فوق=عن العلوم السافله والحماقه
يعني لهن مبدا وغايه ومنطوق=والقايل اليا خل فيهن عاقه
شعرن بلا مغزى كمى دوجة السوق= تلقا بها من كل جنسن لفاقه
وشعرن بلا معنى من الزين ممحوق=اخير من سمعه وشوفه فراقه
واعظم جريمه فالشعر كان مسروق=مثل عبادن يسرقونه سراقه
واقرب كلامن لسلامه من العوق=ماقل واوفى حكمته في مساقه
وانت المعاني بينك وبينهن شوق=ماقولها اجاملك ولاصداقه
وانا نويت اخذبشورك يبن روق=والشور اخير من المسير اندراقه
اطلق حصاني مع حصن كل مرموق=يعني يشرفني ولاخشى انفهاقه
ولا تخاف انه على الحصن ميفوق=ماله بهن وان فزن الحصن طاقه
عطني جوابن كاش ماهو بمفهوق=ياشاعرن للشعر حماي ساقه[/poem]