اعط ( الابيات ) راعيها ..!

اعضاء المرقاب الكرام ..
السلام عليكم ورحمة الله وبركاته ..

اعط الأبيات .. راعيها !

متصفح نجمع لكم فيه كل اسبوع ستة شعراء , يكتب كل شاعر منهم ثلاثة ابيات .
ونضعها هنا برقم وبدون اسم الشاعر , وفي اعلى قائمة الابيات هناك قائمة باسماء الشعراء الستة المشاركين ..
كل ما عليكم أخواننا المرقابيين هو محاولة فرز الابيات من خلال وضع الاسم المناسب عند الرقم المناسب بناءً على بصمة الشعراء واعطاء كل شاعر ابياته .
[mark=FF99CC]مع العلم ان لكل عضو حق التخمين لثلاث مرات فقط ..[/mark]
مع الأخذ في الاعتبار ان التخمين الاخير هو التخمين المعتمد ..


-آخر موعد لإستقبال المحاولات الساعة الخامسة من مساء يوم السبت القادم بمشيئة الله ..
وضيوف هذا الاسبوع هم :


( خالد الحصيّن × عدنان مرضي × محمد آل عبدان × مستور الذويبي × طلال الجميلي × ناصر مناحي )



والابيات كـ التالي ..




1-
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
هلا مرحبا .. يافارس القوم يابوش = لو إن الخيول العام .. لأهل العروبه
لكن السنه هذي .. تكفيهم جحوش =بعد .. ماتهاون كل شخص بذنوبه !
ترانا عرب ماعاد نفزع ولا نشوش = لنا مجد سابق / حان موعد غروبه!![/poem]



2-
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
خلاص .. ماعاد تعني لي ولاحاجه=زعزعت سيسان حبك .. وانهدم برجه
قلبٍ يضخ الغلا لك .. وقفّ إنتاجه=من عقب ماهو من إحساسك / نفض خرجه
أزرى يدوّر ما بين ضلوعك علاجه=من كثر الإهمال صارت حالته حرجه ![/poem]



3-
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
اتحرّى .. طيفها اللي كل ليل / يجيني = واستلذّ بكل كلمه .. ما اعرف معناها!
تمتمت صوت الغرام .. ونبرته .. تحييني = عقب موتي .. يوم حدّتني على فرقاها!
ليت لي حيله .. واخبّي دمعتي في عيني = وليت عيني تقتصد .. فاللي بقى من ماها!![/poem]



4-
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يا معلّق آمالى معك .. بالتوافيق = لا اشوف لك خدٍ من الدمع غارق !
بجلس على هالحال لو ينشف الريق = ولو كلنا على العناد .. انتزارق
من شفت وصلك ضيق ومفارقك ضيق = سكرت بيبان الوصل والمفارق!![/poem]



5-
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
طال الغياب .. وصوت مرسال الغلا مامن مجيب =للي دماره من ظنون الوصل لاسباب الغياب
لوسقت ظنّي فيك .. يظلم درب ويضيق الرحيب=لكن على بيض النوايا جيت / كافيك الجواب !
حبّك غريب الدار .. والتوقيت وإحساسه غريب =وأنا غريب يعدّي الاحباب .. شرهات العتاب!![/poem]




6-
[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
تخطي علي .. و تصد .. يا جارح الروح = و تزيد منسوب الهجر و التجافي
و أنوح .. و أجاري غنا .. نايح الدوح = و أهل دمع ٍ .. يجرح الخد صافي!
لا صار قلبي من تجافيك مجروح = قل لي : وش الحيله .. و انا اقول وافي !![/poem]