أحلامي الورديّه

سلامُ عليكم .,
وصُبحتمْ بالخير


قديمه للتوثيق فقط ,


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهجوس الشّعر يوم آصيح في الشرقيّه=عنّزي لي يوم أصيح وفيش أشدّ إحزامي
والله إنّي ضايقٍ جدّا , وحالي سيّه=ساهرٍ لي فوق يوم وعاد راسي حامي
دام مالضّيقه إلاّ الطرْق والقافيّه .؟=ببدع إلحوني وأغنّي والعرب نيّامي
بتنقّى من بنات الفكْر لي منقيّه=وأشعم الضيّان وأبني فالرفاع إخيامي
النصيب آدوّره بأحلامي الورديّه=وأثْر ماهو لاوراي ولاهو إبقدّامي
أرقب الايّام , والايّام هيّه هيّه=تالي أيامي تشابه ماضيات أيامي
كيف أفك إيدي وكفّي في شدوق الحيّه=كيف أكمل فالطريق , وفالطريق ألغامي .!
لوّها لحية حصان وبندق وجنبيّه .؟=كان يمديني وطيت الوقت تحت أقدامي
هبّ ياوقتٍ يعزّ رخوم وفداويّه=نكس أعلام آهل القدر الرفيع السامي
من صور روح التطوّر في زمن الالفيّه:=ترثة الشيخان , ساوت ترثة الخدامي
ماعلي منّه , وأنا حيّ ٍ وضوّي حيّه=باقف بوجهه وأضدّه , لين أرزّ أعلامي .![/poem]