من يخبر اللي قالوا الصياد لابد أن يصاد

عـام الـف وأربع مـيـة وتـسـعة و عـشـريـن الوكـاد
بـالـضـبط شهـر أثـنين سابـع يـوم يـا كـافي الـبلا
أمـسـيـت فـي ديره خــلاويــة بـعــيـد عـن العباد
أجــاذب الـونــات وتــجـاوبـني ســبـاع الـخـلا
ابـكي عـلـى فـرقـى حـسيـنـة وصـف ماجـا بالبـلاد
مـزيـونـةً تشـبـه حـلاهـا لـو بـقــدر الأنـمــلا
وأبحـث عـن عـلاج الـعـلـيـل الـلي لـو أن الـطب فاد
مـا صـار هـايـم فـي مـتـاهـات الـمحـبة والغــلا
مـن يخـبـر الـلي قــالـوا الـصيـاد لابـد أن يـصـاد
إنـي صـويـب الصــيـدة الـلـي تـكـحل عيـون الحلا
نـصيـتها مـاكـني إلا عــابـي ســيـوفــن حــداد
ورمـاح مـا يـرمـا بـهـا إلا مـن دعـوا فيــه المـلا
رمـيـتـها و أخـطـيـتها والـلي حصـل عـكـس المراد
إســـتذعـرت مـني بـعـد كــنا حــبايـب و زمـلا
وأخـذت فـؤادي مـن حـشـاي وصـرت جـسم بلا فـؤاد
ولا عــــقـــــل ولا ثـــــقــــل ولا ولا ولا ولا
عـهـدي بـها يـوم استـقـلـت فـوق بـنـز من الجداد
وصاحـت عـلـى سـواقـها بـالـصـوت والـسـايـق جـلا
حـاولـت أمـيـز رقـم لـوحـتـهـا لـكـن الله ما أراد
وأقــفت وأنـا عــيـني تـراعـيـهـا ودمـعـي همــلا
سـألـت عـنـها مـالـها طـاري على الـسـبع الـمهاد
يـالـيـتـها تـدري وش إلـهـا وســط قـلــبـي من ولا
بالـله يالـلـي حـول بـرج الـفـيـصـلـيـة كـان عاد
مـرت عـلـــيكم خـبـروهــا بـإن قلــبي مــا سـلا
و إني ما عـاد أقـوى الـتـغـلـي والـتـجـافي والبعـاد
وإنـي بــحـاجـة مـن يـراعي قـلــب بـالـهـم إمـتـلا
وان كـان لا رحـمـة ولاحـنـيـة وقــلــبـه جـماد
الله يـرحــمــنـي ويـرحـم كـل شــخــصٍ مــبـتـلا
مـا دام هـذا هـو ثـواب الـلـي يـصـونـون الـوداد
مـاعـاد أنـا والـحـب وأهــل الـحـب فـالـسـوق عـملا