هي سنة الله فالحسن والقبيح

في يوم الأربعاء الموافق 14-6- 1429هـ انتقل إلى رحمة الله تعالى مشعان ابن حمد المغيري اسكنه الله فسيح جناته وقد رثيته بهذه الابيات
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

لا عاد والله خبر يوم الربوع الصباح =الي فجعني نباه وقبل انا مستريح

جاني خبر من رفيق قال جارك مباح =بحثت فصل الخبر قالوا كلام صحيح

وجلست حيران عن ممشاي والسدباح =والعين هلت عبايرها وقلبي جريح

وعزيت نفسي وصدري فارق الانشراح =يالله عسى خير والدنيا ونسها شحيح

ادرن كل الاوادم للفنى والمراح =تفنى ويبقى الوفا لهل الوفا والمديح

مشعان لو مات تبقى سيرته ما تزاح =رجل الكرم والوفاء والدين ربه نصيح

فالدين يشهد له المسجد مساه وصباح =ون جيت بيته تحصل كل وجه فليح

انا اشهدنه لبس كل المراجل وشاح =عسى مصيره اجنان وجعل قبره فسيح

وعسى العوض في عياله والهدى والصلاح =الي بداياتهم فيهم الطبعه لميح

يالله عساهم من اهل الخير واهل الفلاح =واهل التقى والرضا والعدل والله يبيح

من روحن به لياله مبعدات الشواح =لكن هي سنة الله فالحسن والقبيح[/poem]