غصن المحبة

السلام عليكم ورحمة الله وبركاته

أسعد الله أوقاتكم بالخير و المسرات ,,

أبيات متوااضعة أتمنى أن ترتقي لذائقتكم


[poem=font="Arabic Transparent,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
البارحة ليلي قضيته على الساق = من هاجس يشعل قناديل فكري
والقلب مما فيه للصبر ما طاق = عيا يطاوعني ليا قلت بدري
على وليف ٍ حل من دونه افراق = بامر الولي مكتوب ماهوب بامري
مضى ثلاث سنين والحب دفاق = في داخل عروقي مع الدم يجري
ضاق الفضا من غيبته والصدر ضاق = و لا لي سوى ذكراه لا ضاق صدري
عني تغيب بغيبته شمس الاشراق = لا خاطر ٍ يسلى ولا النوم يطري
ماكنت احسب الوصل في يوم ينعاق = ومن دورة الأيام ماخذت حذري
الا بعد ما ذقت لوعات و احراق = و الحال عود بي كسير ٍ ومبري
ما لاح لي من بعد فرقاه براق = و أنا عن اخباره ودنياه مدري
غصن المحبة ليّن و ينبت اوراق = لوطالت سنين الجفا و طال صبري[/poem]


و سلامتكم ,,