يازين ياللي عيوني فيك مبلوشه@@(طازه)

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يازين ياللي عيوني فيك مبلوشه=ياللي لك ارقاب خلق الله منعاجه
حتى خويك نوى من دونك الهوشه=لانه لحظ نار عيني فيك وهاجه
وده يداري جمالك قبل مانوشه=خايف من العين لا تاكل منه حاجه
ما يدري اني عثرت وضعت في الطوشه=والقلب ضيع مداخيله ومخراجه
ما غير اناظر عيون الترف ورموشه=والمبسم اللي هلاك القلب وعلاجه
يالدره اللي لونها صدق مخشوشه=بابيع عمري واجي من دونها احلاجه
لو دونها وقف المصري مع جيوشه=باصله واجيه واعصابي بثلاجه
ياخشف ريم من القناص مربوشه=يذيره هبة الذاري ومعراجه
ياللي بحسنك ملكت الزين وعروشه=تاج الحلا فوق راسك رصعوا تاجه
مافيه مثلك بشر تزهابه الكوشه=ياحلى صبايا العرب يامسك ياحواجه
حتى لو الكبد من فرقاك ممخوشه=بنساك0واسري لو ان العين حناجه
واقنع خوي يروح ويطوي عفوشه=مادام من دونها اللي عقد احجاجه
لا نبتلش في عفون النيل وخدوشه=حاسب عشانا 0وخل الرجل دراجه
نرحل على اللي تهز القاع وتدوشه=كنها ليا زوعت حر شلع فاجه
ونترك متاهات نهر النيل وعفوشه= اللي برفع الكلام الشين لجاجه
حتى ولو فيهم احلى الغيد منقوشه=باصبّر القلب والايام عجاجه
تدهم وطا من توطاني مع بوشه=واقفّل القلب عن الارسال وابراجه[/poem]