تقاسيم لـ (( عبدالرحمن حمد العتيبي )) قطيّه .. !!

السلام عليكم ورحمة الله وبركاته

إهداء لـ (( عبدالرحمن حمد العتيبي )) بس قطيّه .. !!



في مرّه من المرات .. كنت ذاهب(( إلى صديقي الفقير )) .. عفاس
بن حرباش وانا مروّح فالليل (( بعد العشاوين )) على طريق ابو
حدريّه وكنت توني مخرج من الجوازات واشغل الرادو إلى ذا صوت
( الريّض على أثير mbc - fm ) وانا اتسمّع في قصايده
واطرب لها واغني بها وابكي (( على جرة الصوت )) اللي اقرب
مايقال إليه نشــاز ويوم مليت من الغنا واطلع جوالي وأقرا (( آخر رساله )) وهي من واحد من الربع ولا قدرت
اقراها (( بالعين الممرده )) ولكن لمحت منها جمله تقول (( ليه سداح كذا ؟ ))
واثر خويّنا قاري ٍ قصيده من ابداعات الشاعر سداح ومتهول ٍ منها
ويقول لي وش له مايطلع وارسل له اذكر ربك ياخي (( عين النضول وش تقول ؟ )) .. ولا مداني احط الجوال في مخباي إلى هاك
(( البعير الاطخم )) اللي شكله منحاش ٍ من مزاين أم رقيبه عارض ٍ في طريقي وانا امسك بريك ولا وقفت الا قدامه بـ متر
ويشوفني بنص عينه ويقول لي لا ادعمني بعد ؟ قلت له لا الله يطول عمرك (( العين ماتحلى على الحاجب )) ..!!
انت لو تنباع تنباع بـ 20 مليون وانا لو اموت ماجت ديّتي 10 ملايين لإنك ملك (( بدو لم ينتهوا ..!! )) ..
قال طيّب لاتعودها قلت ابشر طال عمرك وكملت طريقي (( إلى صديقي الفقير )) عفاس بن حرباش وانا اقول في نفسي ..
(( هكذا تبدو الحياه )) .. ويوم وصلت لـ الرياض وإتصل على عفاس .. وآخذ منه الوصف وآجيه البيت ويوم جيت اصفط
قال يابو سعد دخل السياره في البخار ترا (( في حيّنا ملقوف )) .. دايم يفضحنا في المسايير ويكسّر جاماتهم ويفش توايرهم
قلت اهدا اهدا .. واصفط داخل البخار واحول لـ عفاس واسلم عليه (( خشم )) .. ويقعد يردد علي وش (( أخبار ..كم ؟))
..(( كيف الحال ؟ )) ؟ .. قلت له طيّبين وبخير مير لاتكررها زياده عن اللزوم .. ياخي ماعندك غير ذالكملتين ؟
وندخل المجلس واقول له سالفة (( البعير الاطخم )) .. وهو يضحك ويعطيني علومه .. ويوم خذينا لنا ساعه قال اقلط على (( الخروف النكبه))
اللي ماقدرت ادبـّـر فلوسه إلى عقب الشين ..
وتوته توته خلصت الحتوته .. عزالله إنـّــي تعبت
ومت وانهكت

كمّل ياعفاس