جيت

ياصباح الخير ,



[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيت .. حدر الشمس أدوّر عن ظلالي ياظلالي=وأنت ظلّي عن لهيب الشمس وألسنة الحراره
جيت .. في عز الشتاء , والبرد نسناسه شمالي=واحدٍ ناره طفتْ , وأنت بيديك إتشبّ ناره
جيت .. من دار الشقى , والهم , والغربال .. جالي=وأنت مزبن من تجلوى .! وإلتجابك من دياره
جيت لك .. قلبي ملاه الحزْن ومْن إسواك خالي=مخليٍ قلبي لك , ولك في صدارتْه الصداره
آه من سود اللّيالي لاامحلت بيض اللّيالي=وإبتدا ليل الحزين اللّي رثاه آخر نهاره
وسيقت الاقدام صوبك , لومشت ممشاً خيالي=ماجذبها الا طبوعك , والنقاوه , والطهاره
أسرح بطاريك .. وألقى بك جوابي عن سؤالي=وكلّ ماخِيّرت أبختارك , لاصلّيت إستخاره .!
وأنت ماتدري وش أقصاي , وطموحي , وإحتمالي=ماسمعت الا الذّكر , والحرّ تكفيه الاشاره
خذني اللّي بالنّسب .. من طيب عمّاني خوالي=عادها بالسيف الاملح , لين جاء عصر التجاره
وخذني اللّي بالكرم حاتم .. بأحاسيسي ومالي=واحدٍ لاأعطاك ماتدري يمينه عن يساره
وخذني العاشق .. بقلبٍ لايطيع ولايمالي=كلّ ماهبّت هبوب الشوق , فلّيت الستاره .!
بسّ انا يابُعد درب أقدامي وياطول بالي=في أمل برقٍ يلوح وهامله طال إنتظاره
والهوى ؟ ماهاب من عنتر وأبوزيد الهلالي=هيّب اللي مايهاب , وممتلي راسه سطاره .![/poem]