كنت احبك !!!!!

السلام عليكم ورحمة الله وبركاته ..


اعتذر عن طول غيابي .. واتمنى ان تشفع لي هذه المتواضعه عندكم ..





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اذكر اني كنت احبك .. ايه اذكر مانسيت = وبعد كل اللي مضى لك .. جاي تسألني ذكرت؟

وش يهمك ؟ مابقى لك شي عندي وانتهيت = وانتهت قصة غلاك اللي لها ياما نكرت

آه ما أقسى طعونك ماهقيت اني حييت = بس ربك كاتبً لي عمر يوم اني صبرت

آه يا ما اصعب دروبي آتعثر لا مشيت = واندب الحظ البخيل وضاع عمري ماعبرت

آه ما اكثر ذنوبي شوفني منها بكيت = المحبه ذنبي اللي في يديك ولا غفرت

من عرفتك ماهنالي بال .. ولا حتى اهتنيت = في منامي وانت غافل ماشكيت ولا سهرت

من عرفتك وانت قاسي في كلامك لا حكيت = تجرح احساسي وعذرك .. تنسى بكره لا كبرت

هذا انا شبت وكبرت وشاب حبك مانسيت = هذا انا جرحي على طعنة جفاك اللي خبرت

هذا انا لامن ضواني ليل لأحزاني سريت = هذا انا عنك خذتني عزتي لو ماشعرت

كنت احبك واعشقك واقول في نفسي يا ليت = لو تحس شوي فيني.. كان والله اعتبرت

ماتسوي بي حلال وكل ما لجلك عطيت = تستحقه لاني لجلك ماحسبت اني خسرت

بس .. ماخليت لي لو عذر واحد .. واستحيت = آتعذر لك بقلبي وانت مخطي ما اعتذرت

طحت من عيني حسافه .. وانهدم كل مابنيت = شوف نفسك في عيوني كيف كنت ؟ وكيف صرت !!

لا تحسبني نسيتك.. لا وربي مانسيت = مانسيت انك كذبت ولا نسيت انك غدرت[/poem]



..