أولادنا بناتنا نساؤنا والسائقين !!

[align=center]السلام عليكم ورحمة الله وبركاته

أبيات للتواصل ،، والقضيه ماتعم وكل عاقل يعتبرها.

صلو على النبي [/align]

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المصيبه ماتت الغيره وصار الدمّ بارد=وأنشغلنا في سبيل المال وأعمتنا الحضاره!!
لين صرنا نجلب السواق لوهو من عطارد=من ترفنا ماندقق في عماره من دماره
المهم نجهّز اللي من وكيل الزين وارد=نعتني في موتره ونسكّنه وسط العماره
وأن تعلم صار مسؤل المصادر والموارد=وأستلم كل الشئون الداخليه والإداره
والثقه متباينه وخليف في دنياه شارد=من عماة الراي والتفكير يحسبها شطاره
ما درا إنه ضاع راس المال في طرد الشوارد=والخساره في الشرف والدين ياكبر الخساره
عقب ما سلّم جواهره الثمينه فإيد مارد =ويش يرجي من حياةٍ ضايعٍ فيها اعتباره
الشبح في البيت ماله لا مجير ولا مطارد=والبلاء في المدرسه والسوق والمقصود شاره
واعذابي كلما مريتها والشوف جارد=كل مضبوطٍ جديد والدريول في الغماره
أمرد مفتول كنهم ناحتينه بالمبارد =والشعر مفلول والسلسال ويمز الزقاره
كل جنس وكل لون وكل شكل من النمارد=تنتظر فلذاتنا وأعراضنا في كل حاره
ليه صرنا فالأيادي السافله مثل المفارد؟ =ليه ياحفاد الصحابه والمشايخ والاماره!
ليه يجري دمّنا بعروقنا مثل البوارد ؟=عقب ما كانت تقادح روسنا عز ونعاره!
والقضيه ماتعم ولا سردها كل سارد =والبقا لأهل النقاء والحر تكفيه الإشاره[/poem]

[align=center]حفظكم الله[/align]