( الشك / اليقين )

[align=center]مساكم الله بالخير




[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الشك قاسي ولا أقسى منه غير اليقين=والصمت ,, ليله تجيب وجيه غيّابها

والبعد سجن وأحاسيس المحب السجين=والناس تجهل خفايا الناس ومصابها

شاعـر ولي فكـــر , وشعــورٍ , وعقلٍ رزين=ولا أخطي الخطوه إلا حاسب حسابها

ما قد شكيت الغرام ولا الصواب المكين=إلا بعد غيبة اللي حرت بـ عتابها

يا مركب الذكريات , ويا حصاد السنين=العمر مرّه , وضاع العمر بأسبابها

وش عاد باقي من ايام الغلا والحنين=غير الطواري , وضيقة صدر يشقابها

متى على الله يرد الوقت وإلا يحين=موعد لقاها ,, وتفتح للوصل بابها

راحت .. وعذر الغلا لاشك عذرٍ سمين=ياليت درب ٍ خذاها للجفا .. جابها

زرعت في (قلب / ذاكرتي) لها دمعتين=دمعة لقاها ,, والاخرى دمعة غيابها

ما فرّجت ذكريات الحب ضيق الحزين=ولا يسرّ المشاعر جفوة أحبابها

الحب دمعه تراود محجر العاشقين=ما دونها إلا عيونٍ رفّة أهدابها

والشمس عيّت على صحرا المحبه تبين=لين أكتست هالسواد وصار جلبابها

وجه الليالي عبوس وطاري البعد شين=متى يرد النهار اللي تسمّابها

الله على جملة أحزان الموادع يعين =لا ضاق صدر الليال ,, وشح ترحابها

علقتها بين ضلعين الشعور الدفين=وكتبت فيها القصيد اللي تغنّابها

ماهو مهم أكسب أعجاب ورضا المعجبين=يكفيني اني بشعري كاسب أعجابها[/poem][/align]