منطق الشعر ..

السلام عليكم جميعا ً

\
\
\
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


ماتغير ّ منطق ّ الشعر المعرّب في لساني = ولا يشابه موضة الشعّار في خيره وشرّه
والله اني اعرف التقليد واشوفه .. عَياني = من تشدق به على العربان في لحن ٍ يجرّه
دام ماله وادي ٍ ماقد مشاه المودماني = وش يبا في ساقة الشعار يتّبع كل جرّه ..!
الحصن لوهي تشابه في السروج وفي العناني = مير كل حصان طيبه يفرق بكرّه وفرّه..!
كلّ برّاق نخيله فالسحاب المردماني = لانهمر يحيي هشاش القشع في قاع ٍ يمرّه
شاعر ٍ واحكم هواجيسي على بدع المعاني = مثل شمس ٍ حاكمه كل الكواكب في المجرّه
ما إبتليت الشعر مير الله بالشعر ابتلاني .. =فالبدايه عشت برّده و النهايه عشت حرّه
جيت ابسلا .. عن دروب العشق والله ماهداني = آه .. يا جرح ٍ بقلبي مابرى .. لله درّه
صاحب ٍ يروي سنيني حب ّ ما كنّه .. رواني =لافقدته .. ذقت لوعات الليالي والمضرّه
ماغواه الشوق يوم الشوق من حبه غواني = ما تفيد به الصدود ولا يفيد به التشرّه
باعني .. ببخس عذر في سوق نكبات الزماني = ليت يلقى له خفوق ٍ يعتني فيه ويبرّه
يحسب اني دايم ٍ له أتوّجد به واعاني = مرحله عدت بعمري والخطاوي مستمرّه
لو ّ يخيّل له نساني أشهد أنه ما نساني = كم سكبته في يديني واختلط حلوّه ومُرّه[/poem]

\
\


ودمتوا