(( رتبت نقيب ))

مايهوّن كثـر الاحـزان وظـروف الحيـاه
لابدت بعض الهقـاوي تخيـب ولا تصيـب
غير جيبٍ ماهـو بكـل مـن شافـه شـراه
قيمتـه ماهـي بتعطـى ولا تهـدا قـريـب
يمكن انّك مـن حلاتـه ومـن كثـرة غـلاه
لـو تزيـد ابـه الحـراره توديـه الطبيـب
رنج روفـر يلـوي ارقـاب ويفتّـح فـواه
ياخذ من الحـرّ عينـه ومـن مقفـاه ذيـب
المرايـا كفـوف شيـخٍ يكـبـر للـصـلاه
فيه من لون السحابه ومـن لـون الحليـب
لمعـة ازراره علـى البـاب وبكـل اتجـاه
كنهـا نجـومٍ تـلالا علـى رتبـت نقيـب
حنـت بلوفـه ليـامـن سـواقـه عـطـاه
كنها تنهيـدة الشـوق مـن قلـب الحبيـب
لاتـقـدّم والمـواتـر تتـابـع مــن وراه
قلت هذا الزيـر سالـم يبـي الثـار لكليـب
وان تمايـل والمواتـر يمينـه وايـسـراه
مهرةٍ فيهـا مـن الغنـج بالشـي الرهيـب
مهـرة ماهـي تغطـي مفاتنـهـا عـبـاه
خصرها يا أمّا فـرى كبـد والا طـرّ جيـب
يركبـه فـي كــل دارٍ شيـوخـه واوزراه
والا بعض الناس يضرب على بابـه صليـب
ماشريته لا اجـل اباهـي بحسنـه وبحـلاه
كود اسنّد به شعيـبٍ واحـدر بـه شعيـب
لاتضايق صـدر راعيـه مـن كثـرة عنـاه
وقامت هجوسه تودي من الضيـق وتجيـب
تلّ مفتاحـه وشيّـك علـى زيوتـه ومـاه
ثم طلع من طلعت الصبح الى وقـت المغيـب
في زمان فيه الانسـان شوفـه هـو عمـاه
مايميـز فـي عيونـه عـدو ولا صحيـب
من كثر مالطيـب هالوقـت مايلقـى جـزاه
صرت احس ان الردى طيب وان الطيب عيب
لو حسبت حساب للوقـت وادراجـت رحـاه
كان ماهتمّيت جرحـي يطيـب \ ومايطيـب
مشكلـه لاتـاه الانسـان واحتـارة خطـاه
ووقفت كل امنياتـه علـى بـاب النصيـب
مالـوا قلـب المعّـنـا وسـوابـه ســواه
غير شيٍ كـل ماجيـت ابـا اطولـه يغيـب
مير يستاهـل (بـراده مـن يضيـع دفـاه)
غلطة يذنب بهـا الطفـل بتشيـب ويشيـب
والفـرج شـيٍ مـن الله لقـاه اللـي لقـاه
وش نسوي بالاماني وهـي حـظ ونصيـب
يشهد الله ان كل بيت اقوى من الثاني وعلى اساس كذا نسختها كامله
صح لسانك مليووووووووووووون
تحياتي