keep fighting رد على المدرسة.

أخوي العزيز/ محمد زيد الثبيتي

هذا ردي على قصيدتك المدرسة أرجو أن تنال استحسان الجميع

وأعذروني على التقصير.




[poet font="Simplified Arabic,4,black,normal,normal" bkcolor="transparent" bkimage="backgrounds/9.gif" border="double,6,black" type=0 line=200% align=center use=ex length=0 char="" num="0,black" filter=""]

مرحبا بك ياالمنجّب والنجيب=والبيوت اللي لزم تنجيبها

واجب الداعي على الدعوة نجيب=والرجال اكرامها توجيبها

حكمتي دايم مجازى الطيب طيب=نعطي الجزلات من يلفي بها

ياالثبيتي ناد للقلب ويجيب=والجوارح والقدم يجري بها

بالمواقف لاعوى ذيبٍ لذيب=الصخور مع الحديد نذيبها

كم عنيدٍ من ملاقانا صويب=ومن خذا له صفقةٍ يصحي بها

روحنا وحده وممشانا تعيب=وقوة المعنى على تركيبها

والمعاني مالنا فيها طليب=ساسها من ساسنا تنسيبها

يا محمد غصت في معناك deep=والحقايق مقصدك تنبي بها

والنصيحة والوفاءطبع العريب=يثبت الحجه ولايخطي بها

عادتك بالعرف كسب أكبر نصيب=ونفسك الله عن تعبك يثيبها

مدرستنا وضعها هش ورتيب=والهبوب مع السماء تومي بها

ولونها داكن ومبناها حضيب=والمهندس ماضبط تبويبها

ومن تعنى من بلاده مستجيب=مالقى له فايده تغري بها

كل طالب يزعم انه عندليب=و لو شهاداته غلط زكي بها

والمفتش والمراقب والحسيب=بالنتيجه ماضبط تحسيبها

والهقاوي تخطي مرار وتصيب=مر نخطيها ومر نصيبها

مير بالاصرار والراي الصليب=تنجح الفكرة بعد تجريبها

وتقبل الأفكار بالصدر الرحيب=والنشامى طيبنا من طيبها

وفالمدير وفالعضيد اللي ينيب=الأمانة والثقة نوصي بها

ماتربّع دار من سيل الجذيب=لو ديارك ريم مايوري بها

دام ماجاها من الوسمي صبيب=لين يروى حزمها وشعيبها

وأصبحت عقب المحل قفرٍ خصيب=لين ودك بالقدم تمشي بها

وداج في سوق البلد راع الذهيب=وقام صرّاف الذهب يشري بها

والبلد في جوفها كنزٍ رهيب=وحق ثروات البلد تنقيبها

والبحر يوم التطم موجه غضيب=والسفينه ما ضبط تخشيبها

في سفينة نوح مجدافٍ عطيب=ومخطرٍ موج البحر يدوي بها

keep fighting all people keep keep=لين تلقى فرضةٍ ترسي بها

التهاون والتقاعس مايثيب=يا نموت بها ويا ننجي بها

يا السنافي لاتوقّف مستصيب=ابذل المجهودفي تقريبها

يا عسى كلماتنا تلقى مجيب=ويؤخذ المضمون من تعقيبها

من قلوبٍ صادقه والكذب عيب=جت على وضح النقاء لصحيبها

ترخص الأرواح من دون الصحيب=ونحفظ العشرة ولانصخي بها

ليا وصللك العلم جاوب يانقيب=وش قواعد خطةٍ تمضي بها؟


[/poet]