مشاهد قمّة الأحراج

[align=center]الأخوه والأخوات في المرقاب الخلاب

السلام عليكم

للشباب فقط.. الشيبان يمتنعون[/align]



[frame="9 80"][poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
وراني صرت انادي بالسلام ولا تردي زين=اسلم وانتظرك شوي ما كنّك سمعتيني
برمشة عين صرنا وين ياساتر و كنا وين=من أول قبل ما اقول السلام اسمع تحييني
كذا فجأه يحملني سكوتك ذنب خمس سنين=وربي خمس يوم بيوم قاطعهم من سنيني
مشاهد حلم مرت بك قبالي كنها يومين=على آخر يوم اصيح وساكته كنك تصحيني
مشاهد قمة الأحرج كيف اقنعك صارت وين=وانا ما كنت فيها آعرْف لاوينك ولا ويني
بلا..اذكر كان فيه ثنين واذكر كان يوم اثنين=بليلة قدر كانت ليلة اعرفك وتعرفيني
ولا انسى يوم كنتي تقطعين الحلم وتقولين=ابي ازعل منك وانت بدون لا تسأل تراضيني
ولا عاد اذكر الا كل يوم يفوت تحلوين=وانا قام الزمن يفرش تجاعيده تحت عيني
لعبتي مع وقاري بالبراءه ماعقلتي لين=ضمنتي إن كلمه منك تذبحني وتحييني
دخلتي في مغارة كل ما يطلب علاء الدين=ونسيتي فيْ قمع المارد اللي حببك فيني
أحد قال إلك حان الوقت اجي واقول لك تكفين؟=انا تكفين ذي بالذات ما هي في دواويني
وابد ما قط في لحظة مفارق دمّعت لي عين=حْبكت يعني على هالعمر كان لازم تبكيني!!
أذا "تكفين" خمس حروف كلمة "لا" ماغير حرفين=على استعداد أهين إلك الدموع ولا تهينيني
واذا التفكير من خوفك على مستقبلك بعدين=ابد لا تشغلي بالك.. خذي غيري وهاتيني
أنا ماغير بضع حروف راء وميم والف وعين=تهجي في الحروف من اليسار ولا تهجيني
تأخرتي على ممشى القطار ليا متى واقفين=متى تبغي تمدي يدك مع وحده من يديني؟
ابي مادامك من الصبر مخزونك يكفي ثنين=تدفيني بجرعة يوم من صبرك تمشيني[/poem][/frame]


[align=center]وسلامتكم[/align]