عيون الصراحه

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الى متى يابوحي البال مشغول =الى متى وانا أسأل الوقت راحه

من دون صبحك مابقى باب مقفول =اقطع قياد الصوت واطلق صراحه

الصمت يوم ان الحكي مابه حلول = القى به اظلال وامان وفصاحه

وان كان ماهون ولا خفف حمول =وش هوله اترك له بصدري مساحه

مدام همي باقي ٍ بي على طول =وازريت لااكبح في سكوتي جماحه

بقول واصارح بي الليل واقول =لو شفت موتي في عيون الصراحـــه

هذا انا حالي من الحول للحول = تصغر طموحاته وتكبر جراحه

غرست حلمي فالزمن عرضٍ وطول=واقلعته عجاف المحال ورياحه

وطير القلق في داخل الصدر منقول =ياسرع مايفرد لصبري جناحه

وليل التعب ماعاد بيده معي حول =سلم سهاده والظلام لصباااحه

ولاعاد في عين الوفاء شي معقول = حسبي على قل البخت والسماحه

من خوف اجي في حلوقهم صيد (ياحول) = صديت عن قصدي وانا اشوف ضاحه

صديت اخاف يبور حظي ولا اطــــــول =الا شماتت من مطيحي نجاحــــــــــه

واللي بقى في عمر الاحزان مأمول = يشرب هماج اللي سقاهم قراحه

واللي شبابه عاشه يصول ويجول = اكبر ذنوبه في زمانه كفـــــــــاحه

ياليل ليش نطول البوح ويطول =لاصار راحه ماحصل منه راحه

قلي اذا ودك تشوف التعب زول =شفني ولا تنشد بعد عن صراحه[/poem]