,,,, خــف وجـنـاح ,,,,

[frame="8 80"]اهدى لكم هالابيات المتواضعه

وان شاء الله تنال الرضا فقط

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

اتعبتنى يا طاري الشعـر والبـوح=وخليتنى عايش على خف وجنـاح
بعض البشر ياخذ معك وقت ويروح =ويبقا بذكره داخل الروح ماراح
وبعض البشرمكتوب عرفه على اللوح = ويروح مثل الريش فا انسام الارياح
لو كان ميلاف ٍ ولو كان طـــحطــوح =فرقاه في دنياك هى راس الارباح
ما للغلا داعى ليا امسيت مجروح =وماللخوى..خوه.. من العين لاطاح
بعض المفارق يبعث الروح فالروح=وبعض المفارق يذبح ارواح وارواح
والحب لولا الهم والغم والنوح =ومجاوب الورقا لفلاج الاصبــــــاح
يمديه مثل العد ابو عزب وسروح =عليه ضول الناس سانى وميــاح
فترة جهل تمضي على الرجل ويشوح =ويصد عنه وسد الاجواد ماباح
يالله عسي ذنبي مع الغيد مسموح = استغفرك من كل مسري ومسراح
الا ان كان الشعر والذنب مدموح = دامى من الخفرات داله ومرتاح
العام اجاوب بالغنا نايح الدوح = واليوم ما اشفقله ولا اطرب ليا ناح
ماعاد يطربنى من الغيد مملوح = القلب قفلته بضبــــه ومفتــاح
والله مغير القاف والشعر والبوح = اللى مخلينى على خف وجناح [/poem][/frame]