كوثر

السلام عليكم أهل المرقاب ورحمة الله وبركاته.
.
.
دثرتني حقبة لحظة القرار ... لم أعلم أين أنا بين شياطين النهاية.
.
قد يكون الفراق أجمل ما ينتج عن بركان المشاعر المتبادل بين عاشقين و لاكن لا يكون هذا إلا في محيط.
.
.
.
.
.
.
.
.
كوثر.
.
[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
كوثر اّيه لا كتاب(ن) عن جنان(ن) من جمال
باذخه بالحسن ماله بالنساء جنس ومثل

ناقصه بالجهل عقل(ن)جاهله بعقل الهبال
جاهله في عقل حب(ن) زلزل أركان العقل

صمتها وحي(ن) تفجر عن حديث الإعتدال
رازنه كنه إمام(ن) يبخص أبعاد الجمل

فيها مكسور الجناح وفيها صلفين الرجال
عذبة(ن) عذروبها به براءات الطفل

في جفونه خيط(ن) ابيض جمله قوس الهلال
وفي هدبها خيط(ن) أسود غار من لونه الكحل

شحمة عيونه صباح(ن) ابلج(ن) ياذا الجلال
لألأ به زوج الزمرد فوق مريوش(ن) ثمل

الكرز والتوت والليل في شفايفها سجال
من رضابه كل داء(ن) أشتكي سقمه يفل

شعرها يحاكي رمام الصمعاء بفلول الزوال
وخده المرمر بياضه يجرحه مسحة خجل

لا أقبلت ريح(ن) عصوف(ن) من رياحين الشمال
لو درى العطار عنها كان لأنفاسه قفل

في رضاها كل هذا الكون ضحكة وابتهال
وفي زعلها ( يوم ظِله تـــنطف السمن العسل)*

يا ترانيم المودة عثـــر الدهـــر الوصال
دون طرف وردته كوكب الفرحه رحل

أدري إنا عشنا في عالم تضاريسه خيال
وأدري إنا متــنا حب(ن) ونبعثنا في وجل

وأدري إنك أكبر أبعاد السعادة والمنــــال
والحياة إليا تبسمتي تهلي بالأمـــــــــــــل

وأدري إن العمر دونك كهل(ن) أعياه الجدال
وأدري إن العشق في قلبك شباب(ن) من جدل

وأدري إنك جيتي في وقت(ن)تناسى الإحتمال
وأدري أني ما سألت وتهت في سحر المقل

كوثر الاحزان ذابت في تباشير الدلال
مادرينا عن سمومه لين شامت كالجبل

فلا تلومين الزمان ولا تسلين السؤال
يكفي قلب(ن) لك تفطر كل ماشافك سأل

هو بلا حبك هويه للهواء أو له مجال
أو بلا وجهك مساحة في قصيدي للغزل

ياترى يانجد حسنك في عيوني له كمال
دام وضاح الليالي عن شجى حزومك رحل

لا ياوجه النور يكفي حشرجة صوتك قتال
يرحم اللي عقبوك الحيل من دمعك هزل

أدري إنا جينا في عصر تغلمط بالمحال
وتدري إنك جيت عشق(ن) ماتسربل بالحيل

وتدري إني بعالم(ن) محكوم بضداد الخصال
وتدري إني عود في حزمه يكسرها الكسل

وأدري إن العرف عدل(ن) خالطه بعض الميال
لاكن الاعراف تحكم قولة إن هذا رجل

[/poet]
.
.
.
*حديث شريف.
=========
أحبتي لن يكون هذا إلا لمن كانت هناك.
.
تنسج من ضحكاتها أنوار الأمل.
.
ولن تكون هذه إلا لمن كان يرقبها من بين ضلوعها .