الآد النفاعي

[align=center]السلام عليكم ورحمة الله وبركاته

هاذى قصيده فخر بدون قصور في كل القبايل ألقيتها في حفلة قبيلة الفلته من النفعه
وكانت الحفله تكريم من النفعه لبناخيهم الشيخ عايض بن مرزوق الصفق
ويشرفني أن أضعها بينكم:[/align]


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
إليا دعى موقفي جاوبت للداعي=بوقفت شرف لازمه والنفس طربانه
أجود بالشعر والا أجود بذراعي=جاهز ليامن كلٍ قر ميزانه
أمثل أمجاد ربعٍ ذكرهم شاعي=وأتكل على الله كريم المد سبحانه
ربعي الآد النفاعي سيف قطاعي=وقفاتهم وأضحه .. جزله ومليانه
في محفلٍ طاب من طيب التجماعي=بأهل النقا والفخر والجود عنوانه
بيارق العز ما تشرى وتنباعي=رمزٍ لهم يوم كلٍ وسط ميدانه
حوافر أخيولهم إتزلزل القاعي=لجوك من فوقها .. للحق ديانه
وسيوفهم فالوغا تشهر ولماعي=وخضابها دم من أغواه شيطانه
نقدم ونثبت ونعرف حل الاوضاعي=درع الرفيق وحماه ومحزم بطانه
دسنا المخاطر ودسنا روس الافاعي=واللي بلانا يودع راسه .. أمتانه
وأذوادنا مدلهه ترع بلا راعي=خيالها دونها .. بالله وأمانه
ودخيلنا طالبه..يآقف وينصاعي=سنه وشهرين .. ناقف دون عدوانه
والضيف يلقى محله بين الأضلاعي=قدره مثل قلبٍ موصَل بشريانه
يرتاح باله .. ويلقى كل الأسناعي=شحم وكيف.. ومثايل .. كلها زانه
أقولها وأفتخر وأبصم بالأصباعي=يومن كلٍ يعد أمجاد جدَانه
ساسي عتيبي عريب وجدَي نفاعي=يكفي من أهل الوفاء صح الله لسانه[/poem]