... تضيق مسقط ...

[align=center]السلام عليكم ورحمة الله وبركاته[/align]

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا فلسفة شعري ونبضه ومبداه = كنّ المشاعر في جنابك قصيده
مثل السحاب اللي سقى الارض من ماه =هتّان حبّك شعري ارْضه وبيده
كنت امس أخفي عنّك الجرح وادْراه= آخاف من برد الشّعور وجليده
وكبرت بك على الشقا والمعناه = وعبّرت بك رغم الظروف الشديده
ياسيّدي يا نعمة الحب والجاه=طفلتْك لا زالت طموح وْ عنيده
رُغم الفراق وْ رُغم ترديدت الآه=شفني عن دْروب المهازل بعيده
عيني كحل حزن وْ يميني محنّاه=علي أمل فرصةْ حياةٍ سعيده
تدري ليا حل المساء وش سواياه؟= وجابتْك لحظات السكون الزهيده؟
تضيق (مسقط) فالعنود المخبّاه=وآصير كنّي في بلادي وحيده
جفيتني وجْفاك يالله مقْساه=أوّله جمره وآخرتها وقيده
يحنّ لك قلبي وتسكن حناياه=وتمشي مَعَ نبض الخفوق ابْوريده
متعلقه بين الأمل والمحاتاه = الحزن يكبر والطواري عديده
غنّيت يا حالي وجاوبت عزّاه = ماني علي بعض المشاعر بليده
تدري وش اللي حد قلبي علي اقْصاه؟=أكتبْك بيت وْ أنتهي بك قصيده!![/poem]


[align=center]العنود العلي[/align]