( لعبة القط والفار )

[poem=font="Arabic Transparent,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كل يوم اشاهد لعبة القط والفار=مع الزمان اللي له الفين نيه
اطرد سراب اللال والحظ منهار=مثل انهيار البورصه العالميه
وان جيت ابشكي للمطاليق الاحرار=تجوز نفسي ماتحب الشكيه
من قال لي وش فيك قلت له (بخار)=وانا في كبدي من اللواهيب كيه
ولاغيرت طبعي صواديف الاقدار=دايم على الهقوه عزومي قويه
وفي كل مطلاعٍ .. وفي كل محدار=احسب حساب الصايبه والخطيه
اعامل الاشرار بأسلوب الأشرار=مبدا السياسه لااصبحت خارجيه
والا التعامل مع طويلين الاشبار=اشبه بصفقات البلاد الغنيه
ابحفظ الموضوع في درج الاسرار=خوفٍ عليه من العقول الغبيّه
ناسٍ تدور من ورا الهرج مشهار=هذاك (ابو فتنه) .. وهذا وخيّه
واللي على رجم المحاريف سبّار=يكشف مضامين الحروف الخفيه
امسيت لي في دار .. واصبحت في دار=والكل منها ضاربٍ له نحيه
هاذيك دارٍ بيني وبينها ستار=وهاذيك تجبرني عليها الدنيّه
ومريت لي ضلعٍ مثل ضلع سنجار=للذيب مرقابٍ..وللقيض فيه
مشيت له والبال تطربه الأشعار=وفاحت بساتين الورود النديّه
يوم(ن) نصيته حال من دونه غبار=وخلفه لمحت الستره المهمهيه
من يومها دقيت في الباب مسمار=و الجمره الحمراء على الكف حيه[/poem]

[align=center],,[/align]