انا غييثي والغييثي/قصيدة رد فعل

السلام عليكم ورحمة الله وبركاته


هذه القصيده رغم خصوصيتها الا اني اطرحها لكم

عل وعسى تنال اعجابكم


صراحه اخوكم عبدالله البجاد

امتدح بقصيدته شخصً ما

ولكن بعد مانوى ان يوصل القصيده لشخص المعين واتصل بجواله

رد عليه شخص فسأله هل انت فلان قال لا لكن هذا جواله اااامر فقال مايامر عليك عدو
ابي اكلمه عندي له هديه عبارة عن قصيده فقال ابشر بكلمك وابرد لك لاكن سمعني القصيده

سمع القصيده قال انتظر ردي عليك
وبعد ذلك


اجابه الشخص المكلف بتوصيل القصيده عبر التلفون يقول الشخص يعتذر ويقول مايمه سنع

قلت انا مافهمت كلامك انا اهديته قصيدة مدح بس انا ماقلت في قصيدتي اني محتاج منه شي ولكن حسب سمعته مع الناس
سويت القصيده وتعتبر هديه مني له
فقط ولكن لحظه واتصل عليك

اخذت مايقارب نصف ساعه واتصلت على الشخص وقلت جوالك يسجل قال نعم قلت سجل هديه ثانيه

وهذه الهديه


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يافلان اخذ مني قصيده جديده = بلغ سلامي للفلاني وقله
قله عسى ربي بخيره يزيده = ويعيش في راحه ولا احدً يمله
سويت فيه من القصايد فريده = مع اني مدري وين يمة محله
لكن على ذكره نظمت القصيده = هديةً تنسخ بصفحة سجله
وكلفت انا بتوصيلها له وليده = سقت القوافي كلها حشمةً له
والرد جاني بالتليفون سيده = قالو أيقول مايمه اسناع لله
لايحسبني طامعً في رصيده = في ذمتي مأبغي من المال بله
أنا غييثي والغييثي بعيده= نظرت عيونه لو حواله مقله
عزيز لو شفته مثنى بقيده = ولاحاسب الصاحب على ايات زله
بس يعتبر بالمدح مانيب ميده = تكفى لاجيته يابيض الوجه قله
ماهو ردً به لا ولا اسب جيده = الظن فيه اكبر من طويق كله [/poem]