لآتِكَـثِّـر في كلآمِكْ و الملآمه خلَّهـآ ]~

الشــاعر / عادل العتيبي ...

عاصفة ٌ تلك الكلمات التي أُريقت ْ بين أسطرِ نبضك ..


تصدّعت ْمعها أركانُ قلبي وخارتْ زوايا روحي ..


و ضجَّ عالمي بأكمله ..



/

أتـركُـكُم مع القصيدة



[poem=font="Monotype Koufi,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انتهينا دام هـذي هـي بدايـات الطريـق=لاتكثـر فـي كلامـك والملامـة خلّـهـا

اسمع العلم المبـدّا وإفهـم العلـم الوثيـق=تحّت غصن الشجّرة أللي مايظلـل ظلّهـا

غير لايـق ياحياتـي يعنـي إنـه مايليـق=ماهو أنت اللـي ترجـاك البشـر وتذلّهـا

ولو عينك عين / ظبي وقدك المرهف رشيق=ولو خدودك مثـل ورد الروضتيـن وفلّهـا

كمّ شفت من المواجع في طرف عين الغريق=يوم دمعات الرجـا فـوق الخـدود أهِلّهـا

كيف تطعن في قفاي وتبحث الجرح العميق=والسيـوف النرجسيـة فـي قفـاي تسلّهـا

سيفك أللي لارفعته في السماء جاله بريـق=وسط قلبي يطـوي أيـام الزمـن ويفلّهـا

وكل ماتفرج بعينك صارت بعينـي تضيـق=أنت عقدة فـي الزمـان وماقـدرت أحِلّهـا

صدتك يانور عيني شبَّت بجوفـي حريـق=والكبـود الظاميـة متـى تجـي وتبلّـهـا

حاجتي قدام بابـك دونهـا تسعيـن ريـق=كيف أبقضي عازتي من دونهـم وأوصلّهـا

كيف شفت إن الردي وجهه مثل وجه الطليق=والتجـارب بيَّنت لـك دقهـا مــن جلّـهـا

إسمع إسمع كلمتي قدام مـن سقمـك تفيـق=ومن خفوقك إمسـح أيـام الغـرام وشلّهـا

إعتبرني مثل أخوك من الأبو غير الشقيـق=بلـغ احساسـك وقلبـك والمشاعـر قلّهـا

انتهينا دام هـذي هـي بدايـات الطريـق=لاتكثـر فـي كلامـك والملامـة خلّـهـا [/poem]