مغلقـات الخزاين !!

,

من القديم المعتّق .. آمل أن يحوز على الرضا




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

تخفي عليّ الحزن ماودك إيبين = وأنا أشوفه في نواظرك باين

حزنَ تدسّه تكشفه نظرة العين = يبين لي من يوم عينك تعاين

عينك صدوقه .. لو كذب وجهك الزين = لو قال حالك زين ماهوب زاين

ومنين جاك الحزن يالفاتن منين = فضفض وفتّح مغلقات الخزاين

قلّي وأنا خلّك على العسر واللين = فالحب .. مابيني وبينك تباين

وأنا لك إليا نالك من الزمن شين = مادمت أمانه.. للأمانات صاين

إن كان صدرك ضاق من طولة البين = البعد فالأنفس مهو فالمداين

حنا ترانا لو بعدنا قريبين = أقرب من الماطر لخضر الجناين

مادام عشرتنا من سنين ودنين = حبً تشربناه ماهوب هاين

أقرب وفل حجاجك وربك يعين = والهم ماخلا بهالكون .. كاين

قبلك همومي شبّت بخافقي لين = شفت المواجع في فؤادي طباين

أبحرت فالدنيا وذقت الأمرين = هما الرياح تسير عكس السفاين

تجرفني الأمواج مدري على وين = ماهملتني غير والحال شاين

وذكرت حزني منك في نظرة العين = طاالبك .. اما إضحك // أو لاتعاين[/poem]


,