لحالك ..!

للتواصل ليس إلّا ..


[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
سلام الله على قلبك وعينك=على غنجك ودلعنتك ولينك!
على الليل المعتّق في جديلك=على الصبح المبهّر في جبينك!
تزلينه على هونك ويغفى=على طعم الحلا في شفتينك!
يا صبح العيد وإحساس الطفوله=عسى الله ما يقصّر في سنينك
لي أكثر من سنه قدام بابك=اولّع شمع خفّاقي بـ ( ايدينك )
وأقول إن شفت زولك جلّ ربٍ=خلق ناسٍ بـ ( طينٍ ) نفس طينك!
اذا جينا لـ ( زين ) الخُلق زنتي=واذا جينا لـ ( زين ) الخَلق .. زينك ..
ينسّى كل خلٍ زين خله=وبالتالي يكثّر حاسدينك!
وإذا قلتي ومن باب التواضع=أنا مانيب حلوه .. قلت بينك ..
وبيني ما أنتي بـ ( حلوه ) ولكن=حلا الدنيا بكبره .. يستدينك!
لحالك .. ما لقيت أحدٍ شبيهك=ما غير إنتي لحالك .. تشبهينك!!
اذا جيتي .. جماهيرك درت بك=وإذا رحتي جميعاً فاقدينك!
تجين وحسب ظنّك .. محد يدري=ولكن عاطر أنفاسك .. يدينك!
وانا من ضمن جمهورك .. وأحسّب=حسابي واحدٍ من معجبينك!
لو إنّي بعض الاحيان آتمنّى=يزين الحظ لي واصبح ضنينك!
ولكن لأن لي قدر في قلبك=ولي قامه طويله وسط عينك
احمد الله واقبّل راحتيني=واحمد الله واقبّل راحتينك!
وأقول إن مر لك ذكرٍ في بالي=عسى الله ما يقصّر في سنينك[/poem]