لهفة رضيعٍ فاقدٍ شوفة امّه.. للشاعر فهد المقبل

أبيات ارجو أن تعجبكم كما أعجبتني للشاعر / فهد محمد المقبل

[poem=font="Simplified Arabic,6,darkred,bold,normal" bkcolor="transparent" bkimage="backgrounds/35.gif" border="inset,4,black" type=2 line=0 align=center use=ex num="0,black"]
قلبي على شوف المحبين ملهوف=لهفة رضيعٍ فاقدٍ شوفة امّه
ماتت وهو في بطنها داخل الجوف=ودّه لو انّه ضمّه الصدر ضمّه
ماكان جاله فالزمن همّ وحسوف=بينه وبين الهمّ ضمّه ولمّه
او لهفة اللي عاش في ديرة الخوف =من دون داره عاش مهدور دّمه
قالوا تفادي بالعمر وانت مكلوف= البس حزام الموت .. عندك مهمّه
كانك على جنّة هل الخلد مشغوف=فجّر .. مدام المسك منها تشمّه!
غرَه فتاوي جاهلٍ غير معروف=يبغى الشهاده مير جاب المطمّه
يوم انكشف له واقع العلم بالشوف=من حر مابه غرق الدمع كمّه[/poem]