يامحمد المسعري

لعيون محمد المسعري وكل متابع للمسرّي

المشاركة الأصلية كتبت بواسطة محمد المسعري

- طلب .. تطلبه منه .. ؟؟
قصيدة غزليه ، وهالطلب ليس بطلبي لوحدي بل طلب كل متابع للمسرّي

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للشعر ميدانٍ وللحب ميدان=وليا انبنى صرحها محدٍ يهده
وأنا من أول ثمانٍ مالها أثمان=من عمري اللي على ربي مرده
سجيت رجلي على جرّة كحيلان=وقفلت باب العلاقه والموده
عن كل ملهوف خصْر وداعج أعيان=يجرّ حبل الغلا والا يمده
يامحمد المسعري مانيب ندمان=صبّيت بحر الهوى في بحر جده
أدري انّ مانيب في هذي بغلطان=مادام للحب ريعٍ ..من يسده؟؟
حبٍ عطيته لمثلك ربع وأخوان=هذا اللي آعدّه وغير ما اعدّه
كم لي وأنا ضايقٍ بالي وزهقان=وأعلل النفس : (عسرٍ بعْد شده )
الغالي اللي له بقلبي خشم عان=مزحي وجدي على مزحه وجده
نكبني بغيبته نكبة حزيران=ووهبني بطيبته ما تحت يدّه
الله يبيح الغلا لو كان ماكان=طاح المحبّ المكبّ وباح سده
ياصاحبي ماني فلاماك خسران=غلاك من كل عرقٍ تستمده
شرّعت لك من ضلوع الصدر بيبان=من بعدها الحب من قدّك وقدّه
أدْلَه وجرّ الغنا لا صرت طربان=ووقّف وزان الغلا والا تعدّه
وردت بحر الغلا مانيب ضميان=لكن على شان من قلبي يوده
لا سامح الله ليلٍ كله أحزان=ولا غلا ً ما يوقّف عند حده [/poem]