هبــــوب البــراد

[align=center]ابيات متواضعه للتواصل عساها تشفع لنا

وتعجبكم واحد واحد[/align]


[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هبي عليه شوية ياهبوب البراد=صدري من الوقت ضاق وضاق قلبي منه
واسترسلي في ضميري بعد اشا الله واراد=يانشوة المنتصر ياهيبة السلطنه
يامبّينه مايخفى في صميم الفواد=ياخافيه عن عيون الناس يابيّنه
يامغويه يامفاهيم الهدي والرشاد= ان كان للميسره وان كان للميمنه
يامخلفه فالوعد ياصدق من الاعتقاد=يامستحيله بحال وحال ياممكنه
يانعم من القطن ياوقع السيوف الحداد=ياقاسيه في حدى الامرين يالينه
ياكتلة احساس مانتي كتلةٍ من جماد=منك استمد المدد واقدمه واعلنه
اما اطلعي بي علي وسق الجمل والشداد=واليا تحرك لساني تسكت الالسنه
والا بلاش اجتهد وش خانة الاجتهاد=سقت الجبل بالعصى والا مسكت رسنه
وان كان قولي مافاد وسامعه ماستفاد=بلاش اغني بطاروقي واجر الحنه
اليوم من يدعي بالعرف كثر الجراد=غطت على كل فكر افكار هن وهنه
واللي على قول راع القول ماله بلاد=رتب كلامه عن النقاد بعد اوزنه
بلا تكلف بديهي كل ماقال اجاد=في يوم والا شهر والا تجي في سنه
من سمع قوله ليا من قال: بالقول اشاد=صح الله لسان قايلها وصح بدنه
ويلقى المزارع نتيجة مازرع فالحصاد=ياسامع العلم رد العلم منه وعنه[/poem]


[align=center]وسلااااامتكم[/align]