واللي عشقك بشهر ترى كرهك بشهر

السلام عليكم ورحمة الله وبركاته

اعذروني يا اخوان على الغياب

اضع هذه المتواضعه عساها تشفع

لي الغياب وانت ترضى ذوائقكم


7


7



[poem=font="Simplified Arabic,5,royalblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهاجسي والقصايد ماتلف وتميل=وشرد المعاني لها فكري مكان ومقر
والعشق درب طويل في متاهات ليل=وش حيلة اللي بدا ممشاه ولا استمر
واخذ يغني مواويله وطرقه جزيل=كل ما سبح له بحر عوّد سبحله بحر
اقول راح الكثير وما بقى الا قليل=وتفارق عيوني الغرقى ملامح سهر
لكن ليا هبّت الذكرى وقلبي عليل=يطول ليل العنا واقول غلطة عمر
زرعت فيك الغلا ولا لقيت الحصيل=الا القهر وازدحام الضيق جوف الصدر
والخد ساقي ودمعي فوق خدي يسيل=ماشفت خدي من الدمعات مجرى نهر
حسيبك الله على جرحك ونعم الوكيل=ياللي طعونك من ايدك جاتني فالظهر
عرفت بان الهوي ماله ضمان وكفيل=وان الليالي بلاويها نصيب وقدر
ابسألك ياللي افمد المحبه بخيل = وشلون تقوي فراقي يا اناني شهر
وابسألك دام حملي مايشيله شعيل=ياكيف تعلن وداعك وانت مالك عذر
حتي الصبر ملّني واشوف مافيه حيل=اصلا حسافه عشانك ذقت نار الصبر
وانت الذي في عيوني كان مالك مثيل=والك الوفا والغلا والك المقام العطر
لكن اباقولها مدام حان الرحيل=قال المثل غلطة الشاعر عليه بعشر
والشوق لو هزّني في ليل ولّا مقيل=بنساك ويجيب ربي في غيابك مطر
معاد لك شي باقي لا كثير و قليل=واللي عشقك بشهر ترى كرهك بشهر[/poem]



7


7


وسلامتكم