ما طولك ياليل

[align=center]السلام عليكم


وأسعد الله أوقاتكم بكل خير


إليكم




[poem=font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
طال الصبر والحمل جاير على الحيل = وانا أترجى الحلم وأرقب للآمال

عمري إنتصف بي واليالي مقابيل = والشيب أشوفه زاد بالراس وإختال

البارحه غنيت ماطولك ياليل = ورددتها من ضيقة الصدر والبال

وعليك يابندر ندبت المراسيل = يابن الدويش معرب الجد والخال

يارآس ياحلحيل من رآس حلحيل = ماكر حرار(ن) ناتجه نفس الأشكال

مسند الشكوى بمعنى وتفصيل = يومك بخيص بعلة الجوف والحال

ياليت ربي ماخلقنا بها الجيل = وياليتنا عشنا بماضية الأجيال

لو وقتهم صبر وعذاب وغرابيل = ومورد وصادر ونازل ورحال

أخير من وقت(ن) يضيم الرياجيل = زان لرديين المذاهب والأنذال

لولا الوفاء والعشق والبعد والويل = والهم والضيقه ولوعات الأهوال

لتوب عن بدع الغناء والتماثيل = وإني لخلي الشعر ياطيب الفال

من يوم عاثو فيه ناس(ن) مهابيل = وكثرو متبلينه من يمين وشمال

ماعاد له لذه وقيمه وتجليل = تكانفوه وحولو به مع الجال

شفهم على الشاشات بالقال والقيل = أردى شنب فيهم كريم(ن) وخيال

يمجد بروحه من الجدي لسهيل = ولو ينجلب لسوق ماسيم بريال

لو ماله امجاد(ن) ولا له محاصيل = بالكذب سواله بطولات وأفعال

ماله شهود ولا عليها دواليل = والعالم تطبل له إعجاب وإهبال

الله يعجل بالفرج والتساهيل = ويدني مسافته من بعيد الأميال

ويسوق من غرب المزون المخاييل = غيوم وسم(ن) طامنه حمولها إثقال

تاخذ لها عشرين ليله هماليل = من أول الصمان لقصاه همال

تهل سيل(ن) مبطي الذكر ماسيل = يحيي هشيم القاع من عقب الأمحال

ونسج به عن غبننا والغرابيل = وتقفي هجوس(ن) عذبتنا بالأقبال[/poem]

حنيف بن سعيدان[/align]