ســـد مـأرب

[poem=font="Simplified Arabic,7,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]


ياهاجس الجزلات سدد وقارب=قريحتي ماهي عليك أبّخـيله

لا صرت أنا وياك من فوق قارب=خِيِِِّل السحاب اللي عيوني تخـيّله

لو كان أنا ريّحت راحت محارب=ما جيب لك غير البيوت الجـزيله

هذي هي الدنيا دروس وتجارب=والمسلم المؤمن أحساسة دلـيله

بالناس مستعرب وبالناس عارب=وكل ٍ على طبيعة شد حـيله

وان كان عظم السن بالسوس خارب=خلعة من أجذوره هو أفضل وسيله

نور القمر ماهوب مثل الكهارب=وما تستوي الدنيا بيوم ٍ ولـيله

وأنا بلايه من ذيول العقارب=اللي أغذاها من تراب النثـيله

الحبل لا خلي على كل غارب=سيّر نفوس العز لأٌقرب الـرذيله

والفأر يوم انه حفر سد مأرب=حطم حصون المملكة قو سيله

حتى غدوا مابين غارق وهارب=وحياتهم صارت شبه مسّتحيله

الله يعزّك ياليال المكارب=كم فيك نعرف من نفوس أصيله

لولا اللحى ماقدّرن الشوارب=ولا عرفنا الطيّبة والهـزيله

ومعرفةٍ تبنا لقصد ومأرب=أيامها تقصر ولاهي طـويله

والى تعكر صفو بعض المشارب=فبراق ما نرعاه ما نستخيله

واللي على درب النواميس دارب=يبقى نباه ولو رحل ضمن جـيله

والنفعة اللي ما تفيد الأقارب=تجلب على الرجال عار وفشيله[/poem]




[align=center]هذه المصافحة الجديدة

اهداء لجميع اعضاء منتدى المرقاب



وذلك بمناسة قرب افتتاح قناة المرقاب الفضايئه[/align]