( مايـخـون الـحـر )

صباح الخير

متواضعه ارجو ان تنال القبول


__________




[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أعـاذل كفاك عتاب .. كثر العتب مابيه = وليفي وابيه .. وكل ماشتقت بمـٌره

احد ودك بقربه .. واحد ودك تخليه = واحد ودك .. يكافيك من خيره وشرٌه

يالبيــه ,, لاجيته وايديني تحضن ايديه = ولاسولفت عينه .. ولا ابتسمت الغـًره

خذا الزين شي ٍ ( منه ) وأعطاه شي ٍ ( فيـه ) = خذا من النحل ( شهد ) وعطى للبحر ( درٌه )

اجيه آتغيصب ضحكتي ! .. والحزن مخفيه = مـاودي يحـس ؟ بضيق مغليه لـو مرٌه

لـو ان ( ضيق صدري ) .. يـحتوي العظم ويغـٌـطـيــه ؟ = انكسرت ضلوعي .. مثل ماتكسر الجرٌه

يطول الـغـيـاب !! وراعي الشوق ! ما يمـديـه ! = يبي ( رشـفـه ) من الوصل .. كرٌه ورى كرٌه

تـمـوت السنين .. وخــاطري ما ســلا طـاريه = ولا فيه شي ؟ من مـغـريـات الـزمـن .. غـٌره

خذا مني ,, ( الراحه و الافراح و الترفيه ) = وخلا لـي ,, ( الضيقه و الاحزان و الحـٌره )

أدور من الأصحاب ؟ ( صاحب وفي ) وآجـيـه = لقيت الدموع اصحاب .. بأيامي المـٌره

تـغـيـٌـر زمـانـك يارفـيـقـي .. وذا تـالـيـه = ولاتقول : وش باقي ؟ .. لأن مابقى ذرٌه

ولاتقول : صرنا نعشق ( الـذل ) ؟ ونواليه = مدام ( أمـتـك ) صوب الملذات مجتـٌره

طبيعي ,, ان حنا ( قــبــل ) .. مـجـد ٍ محد يمحيه = قـبـل .. ( مايخون الحر ) ( ولاتزني الحـٌره )

يازين البخت .. لا طاب مره ! معا راعيه = ولا انـه .. يشين بوجه راعيه بالـمـٌره

مـاهــوب الـبـلا ! ( شخصٍ يسـٌرك ) ولا تجزيه = لكن البلا !! من يجحد الطيب .. و ( تسـٌره )

مـاهوب البــلا ! ( شخصٍ يـضـرٌك ) ولا تعاديه = لكن البلا !! ( شخصٍ يواليك) و ( تضــٌره )

مـاهوب البــلا ! ( شخصٍ يـمـٌرك ) ولا تبغيـه = لكن البلا !! ( شخصٍ مـايبغيـك ) و ( تـمــٌره )[/poem]







وسامحونا ع القصور