الشهره

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاتحسب اني على الشهره واهلها شفوق=لوّ. لي بها شف قبلك كان مريتها
الله يعينــــك عليـــها يا الحصان السبوق=اهم شي الدعاية يوم سويتها
دنياك مرٍ تغيّـــــب بك ومــرٍ تفــــــــــوق=الله يعينك على نفسك وتثبيتها

عليك لله حقوق ولك عليها حقوق=حاول تناسا العلوم اللي تمنيتها
الحد في ديننا يقطع يمين السروق=عسى صلاتك على التوقيت صليتها
العقل نعمة وكل له من النـــاس ســـــوق=احدن طمن سوقها واحدن رفع صيتها
ان كان ما للشعر حكمه ومعنى وذوق=جنبت روحي عن الساحة وخليتها
اهل المهمات دايم صيتها فوق فوق= ماهي بمحتاجة الفزعه وتصويتها
ان وقفوا في المحافل شاقوا العين شوق=اطرب لوقفاتهم واشوش لاوحيتها
ان واعدت ما اخلفت وان عاهدت ماتبوق=ربعن على الطيب والناموس لاقيتها
اللي تربّع غلاهم فوق عرش الخفوق=ليا دُعت شرّفت وليا دْعت جيتها
ولا انت حطك زمانك غصةٍ في الحلوق=ابلشت لليلي بصوتك يوم لاحيتها
وتسوق لك موترٍ بين الحساء والفروق=واصحابك اللي معك ماعاد حاكيتها
ماتدري ان المره قد هي تطير وتسوق= تاخذ ثلاثين يوم ماتجي بيتها[/poem]