يــاكابتن الطايـــره

[poem=font="Simplified Arabic,7,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياكبتن الطايره يسوقني الشوق ســوق = والشوق . شوق الديار . وسطوته جايــره
فيني سعاده بها اللحظه ونشوه وشوق = أللعب وانا دمعتي في محجري حايـــره
قد لي اِسبوعين من سافرت عييت أروق = لكـن عـجـل عـلي .ياكبتن الطايـــره
قضيت رحله سياحيه وجيت اِمخنـــوق = كن حالتي حالة المسجون في دايره
تدري متى ينتشي دمي بوسط العــروق = لاشفت بيشه . وشفت المتن والصايره
واذا انعكاس الهوى خالف وسندت فوق= شَــّرف على الوادي اللي سمعته سايره
يالله وانا طالبك تنشي عليها الحقوق = وتــرد فيـها جمـال الصـوره النايـــره
من عقب ليلآ يسامره الرعد والبروق= لين الدريول يحن العشب من تايــره
دار المطاليق حرز معكسات العذوق = يوم الرياجيل ذي غـِزيت وذي غايــره
الكل منهم على فعل المراجل سبــوق = ماهوب عذروب يوم أدميهم فايـــره
يزهاهم المدح وانا والله اني صدوق= بالفعل . ماهوب مدح اِكذاب ومضايــره
ياطيب مدح الرجال اللي تعرف الحقوق=ولاتـخلي رفيــق ٍ يلحقــه بايـــره
ترا الرفيق الكريم اللي لربعه شفوق= خير للنفسه . وخير اِلربعه وشايــره
اِبعيد نظره معا ربعه . ونهج. وخلوق = ماهوب من يشذب الرِجال ويسايــره
والا اِن الأقشر يبيها ملازم ٍ بالحلوق = وفي كل ليله ويوم وعجته ثايره
يمناه سفلى ليا جات الوَزَع والفـروق = وان صد عنهم سلاحه شتم ومعايــره
ياللي تعرفه ترا الرفقه معرفه وذوق = لاتِــدخل النــذل في شورك ولا تخايــره
لاجاك راضي فلاتامن من النذل بـوق = وان راح زعلان يضرب راسه العايــره
قلته ياكبتن وانا دمي عليك اِمحروق = ولاني بمرتاح لين أشاهد الصايـــره[/poem]