بيّن ، و لا طاح إعلمـه !

[align=center].
.



السلام عليكم ورحمة الله وبركاته !


أسعدني وشرفني أخوي الشاعر / عويد بن سريّع الهاجري في صوته وعسى صداي يجمّل


يقول :


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عقب ليل ٍ يشعف الرجل ويكز المنـام=تلمذ التلميذ فكره بيد أمعلمه
عن بعض الاشيا وسطر ٍ تمثناه الكلام=في كتاب ٍ لو أديب الفهم ما فهمه
من تطرق ضيقه الصدر وشعور الهيام=وماقف الرجال وسنين عصر العولمه
عقبها يالشاعر اللي حوى كل اهتمام=ساحة المرقاب تشهد لحرفه واقلمه
موهبـه يطرب لها الكيف وتعن البهام=عاش برقه في سحابه ويرعى موسمه
قوم والفكر ايتخطرف على حسب النظام=والامور مصلحه والحروف مترجمه
والدهر يشعا البنادم ويلحقه الملام=فالسنين الناصعه والسنين المظلمه
والحزين ان فاق صبره على حد الوئام=حيلته قلاط نابه على آخر برطمه
والمدينه حالها حال والشعب انقسام=ابتدة في تمته وانتهت في تمتمه
والرجل به عزة النفس والنذل الخمامخايب ٍ رزقـه وحظه وعلمه وسهمه
والدراهم تاتي بعام وتقفي بعام=لو كنزها اللي كفوفه جزت عن معصمه
والكريم معان والفقر ملعون الرسام=ما قصر من حاتم الطي ذكره وكرمه
قلت افند وانتهى الليل وانزاح الظلام=وابتدى نور يجدد صباح ٍ سلمه
يا رفيق ٍ فالشدايد لنا ذخر وحزام=وانت قاضي يصدر الحكم وسط المحكمه [/poem]



/


وأقول :



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هاضني نو ٍ ترازم رعـوده ، فـ الجـهام=في دجى ليل ٍ عقبُ ملحمتنا ملحمه !

لاح براقـه ورد ّ ألـ ، فيا فيه السلام=من سماه و كل ّ شيطان فـ القـاع رجمه

ياصحيبي و المعـاني عقـب جزلـك حرام=عـدّهـا ، فـ أواخر الشعر .. و لا مقدمه

القلوب صحاح ! والسيف قطـّاع العظام=والعلوم سمان والذيب ما ضاق نسمه

والخوي ّ اللي ليا ثار فـ ، الكون العسام=يحتمي ميقاف ربعه ، ويثـبت فـ قـدمه

وان بدى للازمه حين ، و الهيـّه مقام !=عزتي ّ لعداه ! لا غار والصف ّ قسمه

والله أن أفديه ، و اسوق روحي للعـدام=محزمي له قبل يفضى الفشق في محزمه

والسفيه اللي فعولـه تجي وسط الـ حلام=و الله أنـه عار حلم أفـ منامه يحلمه

وشـ يفيده كنز الأموال لا صار الـ علام=ما يفيد إللي ضعيف وعشى الذيب إغنمه

مدهـله خالي ، ولا يجمع اللي فـ الزحـام=يحتمون الذود و اللي عصـاه إموسّـمه

والكريم ، أفـ مدهله عز ّ ووقـار الحشام=فوق رجم الطيـب بيّن ، ولا طاح إعلمه

ما يقلـط ّ ربُعـه إلا على جال السنـام !=ولا يرد ّ إللي زمانه عن الغير حرمه

والحزين أن شح ّ يومه عن الهفوات شام=عزتـه ترضي غروره لوّ الحظ إلـ جمه

وحكمنا يا طالب الحكم ُ من قبـل الختـام=الضعيف يموت و الذيب دارع فـ غنمه ![/poem]



وسلامتكم



،[/align]