جميل قاضي

إلى روح المعلم : ( جميل قاضي ) رحمه الله والذي وافته المنية بين تلاميذه في مدرسة الصفا الابتدائية بمدينة جدة

[poem=font="Traditional Arabic,7,white,bold,normal" bkcolor="transparent" bkimage="backgrounds/37.gif" border="none,4,gray" type=2 line=0 align=center use=ex num="0,black"]
هكذا موت البطولة "يا جميل"=في رحاب العلم ودَّعت الحياه
مت لكن عمرك الثاني طويل=ما تركته/نور ما يفنى ضياه
يا كريم الذات في الوقت البخيل=غيرك لامن مات يلقى من نعاه
وين تأبين الصحافة والعويل=كلما ماتت من الساحة فتاه؟!
"مايسة" كانت تميل وتستميل=نعيها في كل منشور وقناه!!
وأنت يا رمز العطا مثل النخيل=ينكسر في صمت في قمة عطاه
احترقت وذبت واخترت الرحيل=بين طلابك على نهج الدعاه
يا وريث الأنبيا مالك مثيل=كم تجرعت الألم ما قلت : آه
والوفا والصبر من طبع النبيل=والمعلم في زمنَّا يا شقاه
بعد عزه صار مظلوم وذليل=واصبح النكران في الدنيا جزاه
يبذل أغلى العمر وينال القليل=وان قتله الغبن ماحيٍ بكاه
"يا جميل" الدمع ما يشفي الغليل=والوفا يا خوك من يجبر عزاه؟!
لك خلود الذكر جيلٍ بعد جيل=والشرف لك في حياتك والوفاه
يا عسى الجنة وعين السلسبيل=لك عوض عن ماضي الصبر وعناه[/poem]