ماحنّا لباردة الوجيه اهداف..!!

بسم الله ,,

00000

000

0

[poem=font="Simplified Arabic,5,black,bold,normal" bkcolor="transparent" bkimage="" border="groove,4,gray" type=2 line=1 align=center use=ex num="0,black"]

بعد غصت البحر واخرجت منه الدر والاصداف = وقدّمْت لك من معزوفة الأشعار معزوفه
ياعواض النفيعي مارضينا الظلم والاجحاف = ولاطعنا الزمان اللي علينا جرّد سيوفه
مراقينا من سنينٍ خلت في عالي المشراف = وبالخبره عسفنا اللي مهي من قبل معسوفه
ويوم انّْ الليالي شهب وسنين الحياه عْجاف = وقفنا موقف اللي لاوقف يعجبْك بوقوفه
وبنينا البيت واحكمْنا الأساس بمعرفة عرّاف = وجوّدْنا البنا حتى تعلّت فالسما سْقوفه
ومن فضل الولي اصبح بنانا للعرب مضياف = يسر الناظرين ويبهج اهل الدار وضيوفه
ولاحْتجنا لمدّ اللي ليا من جات للميقاف = حداه الضّعْف عن فعل الجميل وقيّد كفوفه
وهذي هي عوايدنا واخذناها من الأسلاف = ورثناها وصارت بين خلق الله معروفه
ولاضيّق خواطرنا سوى التجريح والإسفاف = من وجيهٍ مهي بالجرح والإسفاف مكلوفه
غلَبْها الطَبْع يوم انّ الطبايع بعضها ينعاف = تغرّ الجاهل اللي فالمواقف قاصرٍ شوفه
وتجاوزنا عن الأولى وطفنا شي ماينطاف = وبلعناها لو انّ الصدر منها يطّبخ جوفه
وجات الثانيه عَوْجاً عَوَجْها بالنظر ينشاف = تبا تِنْكِر على راع الوفا والطيب معروفه
لكن هيهات ماحنّا لباردة الوجيه اهداف = مدام انّا رجال وفعلنا معروف بوصوفه
لنا عادات وسلوم وتقاليد وقيم واعراف = ولانرضا الخطا من ناس بالأخطاء مشغوفه
خطاها يرجع الْها والبياض الْنا دبل واضعاف = ويبقى الضلع ثابت ماتهزّه كل عاصوفه
أقوله وانت رجلٍ من رجال الحق والإنصاف = حزامي ضد اشيا فالزمن ماهي بمألوفه
ومراقينا من سنينٍ خلت في عالي المشراف = ولاطعنا الزمان اللي علينا جرّد سيوفه[/poem]